Արիս Պապիկեան՝ Օնթարիօ Նահանգի Խորհրդարանի Առաջին Հայ Երեսփոխան

0000BABIGIAN

0000BABIGIANԳանատայի Օնթարիօ նահանգի երեսփոխանական ընտրութիւնները տեղի ունեցան 7 Յունիսին: Ընտրութիւններուն մասնակցեցան Յառաջդիմական-պահպանողական, Ազատական ու Նոր ժողովրդավար կուսակցութիւններու կողքին քանի մը փոքր կուսակցութիւններ եւս: Թորոնթոյի Էճինքորթ ընտրատարածքէն Յառաջդիմական-պահպանողական կուսակցութեան թեկնածու գանատահայ Արիս Պապիկեան քուէներու ջախջախիչ մեծամասնութեամբ ընտրուեցաւ:

Արիս Պապիկեան ժրաջան մասնակցութիւն բերած է Գանատայի հայկական գաղութի կեանքին մէջ: Ան մեծ աշխատանք տարած է գանատական, հայկական բազմամշակութային, քաղաքական, ընկերային ծառայութեան, ուսումնական, գաղթականներու եւ այլ ոլորտներու մէջ:

Ան չորս տարի վարած է Օթթաուայի Հայ Դատի գրասենեակի վարիչ-տնօրէնի պաշտօնը: Այդ շրջանին, գանատական ծերակոյտին ու երեսփոխանական տան մէջ Հայոց Ցեղասպանութեան ճանաչման աշխատանքին մէջ աչքառու եւ հիմնական իր ներդրումը ունեցած է: Նոյնպէս շեշտակի մասնակցութիւն բերած է Թորոնթոյի շրջանի պետական դպրոցներու ուսումնական խորհուրդի այն նախաձեռնութեան, որով պետական երկրորդական վարժարաններուն մէջ կը սկսէր դասաւանդուելու ընդհանուր ցեղասպանութիւններու նիւթը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top