Արցախի Ընդդիմադիր Կուսակցութիւնը Հանրահաւաք Հրաւիրած Է

0613khanoumian

0613khanoumian

ՍՏԵՓԱՆԱԿԵՐՏ.- Արցախի ընդդիմադիր «Ազգային Վերածնունդ» կուսակցութիւնը 13 Յունիսին, Ստեփանակերտի մէջ պիտի իրականացնէ հանրահաւաք: Այս մասին «Ֆէյսպուք»ի իր էջին վրայ գրած է կուսակցութեան նախագահ, Արցախի խորհրդարանի պատգամաւոր Հայկ Խանումեան:

«Արցախի մէջ քաղաքական ճգնաժամը ստեղծուած է ոչ թէ պետական հիմնարկներու ոչ-արդիւնաւէտութեան պատճառով, այլ զանոնք փոխել չփափաքելու հետեւանքով: 2017ին մէկ անձի իշխանութեան վերարտադրութեան համար փոխուած սահմանադրութիւնը անոր վառ վկայութիւնն էր: Քաղաքական ճգնաժամերու հիմքը անոր մէջ պէտք է փնտռել:

Երէկ, 11 Յունիսին, Արցախի նախագահ Բակօ Սահակեան, որ 10 տարի երկիրը նախագահելէ ետք, 2017ին Ազգային ժողովին կողմէ մինչեւ 2020 թուականը ընտրուած է անցումային շրջանի նախագահ, յայտարարեց, որ չի պատրաստուիր առաջադրուելու 2020ի նախագահական ընտրութիւններուն:

Վաղը, 13 Յունիսին, մենք պիտի ներկայացնենք մեր մօտեցումները այս բոլոր հարցերու շուրջ: Կը հրաւիրենք բոլոր լրատուամիջոցները լուսաբանելու հաւաքը: Եւ այսպէս՝ 13 Յունիսին, յետմիջօրէի ժամը 5ին, Ստեփանակերտի Վերածնունդի հրապարակին վրայ ես, ԱԺ պատգամաւոր Հայկ Խանումեանս, «Ազգային Վերածնունդ» կուսակցութիւնը եւ շարք մը նախաձեռնող խումբեր կը կազմակերպենք հաւաք: Հաւաքին ընթացքին պիտի ներկայացնենք այս օրերուն քաղաքական ճգնաժամի մասին մեր խորհրդակցութիւններու ամփոփումը եւ ճգնաժամի լուծման մեր տեսլականը», գրած է Խանումեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top