Հիւսիսային Քորէա Եւ Միացեալ Նահանգներ Ձեւական Համաձայնութիւն Գոյացուցին

0613NK

0613NK

ՍԻՆԿԱՓՈՒՐ, «Էն.Պի.Սի.».- Յունիս 12ին, Սինկափուրի մէջ տեղի ունեցաւ աննախընթաց հանդիպում մը Միացեալ Նահանգներու եւ Հիւսիսային Քորէայի ղեկավարներուն միջեւ. աւարտին ստորագրուած փաստաթուղթին մէջ, Տանըլտ Թրամփ եւ Քիմ Ճոնկ Ուն խոստացան երկու պետութիւններուն միջեւ «նոր յարաբերութիւններ» հաստատել եւ Քորէական թերակղզին հիւլէական զէնքերէ զերծ պահելու նպատակով աշխատանքի սկսիլ՝ առանց որեւէ ժամկէտ սահմանելու։

Թրամփ, որ անցեալ տարի ՄԱԿի բեմէն Քիմը աշխարհի ամենավատ բռնապետը որակած էր, Յունիս 12ին յայտնեց, թէ ան շատ «տաղանդաւոր» ղեկավար մըն է՝ պատասխանելով լրագրողի մը մէկ հարցումին, թէ՝ ի՞նչ ունի ըսելիք Հիւսիսային Քորէայի մէջ շարունակուող մարդկային իրաւանց ծանր ոտնակոխումներուն մասին։

Յիշեցնենք, որ Հիւսիսային Քորէա 2005ին եւս խոստացած էր վերջ տալ հիւլէական իր ծրագիրին։

Թրամփ նաեւ յաւելեալ զիջում մը կատարեց ի նպաստ Հիւսիսային Քորէայի եւ Չինաստանի՝ յայտնելով, որ բանակցութիւններու ընթացքին պիտի դադրեցնէ Հարաւային Քորէայի հետ միացեալ եւ «ծախսալից» ռազմափորձերը, անակնկալի մատնելով Սէուլը, որուն ղեկավարները Ուաշինկթընէն անմիջապէս յստակացում խնդրեցին այդ մասին։

Քիմ նաեւ Սպիտակ տուն հրաւիրուեցաւ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top