Հայաստանի Նախագահի Արցախ Այցը Անօրինակա՛ն Է. Պաքու

0615Ahmedov

0615Ahmedov

ՊԱՔՈՒ, «Էյ.Փի.Էյ.».- Ատրպէյճանի փոխվարչապետ եւ իշխող «Ենի Ազերպէյճան» կուսակցութեան փոխնախագահ Ալի Ահմետով Յունիս 14ին յայտարարեց, թէ Հայաստանի նախագահ Արմէն Սարգսեանի Արցախ Հանրապետութիւն կատարած այցելութիւնը «անօրինակա՛ն է»՝ աւելցնելով, որ ան «պատասխանատուութիւն պիտի կրէ» այդ արարքին համար։

Ահմետով կրկնեց, թէ Արցախ «ժամանակաւորապէս գրաւուած ատրպէյճանական տարածք մըն է», եւ այդ պատճառով, Հայաստանի նախագահին՝ առանց Պաքուի արտօնութեան կատարած այցը Արցախ ապօրինի՛ է։ «Այդ այցը պէտք է դժգոհութիւն յառաջացնէ (ԵԱՀԿ) Մինսկի խմբակին մօտ», աւելցուց Ահմետով:

«Այցը պէտք է անհանգստացնէ նաեւ բոլոր այն պետութիւնները, որոնք ջանք կը տանին ատրպէյճանական հողերուն վերադարձը ապահովելու համար։ Հակառակ պարագային, շատ ծանր պիտի ըլլայ հակամարտութեան կարգաւորման համար ուղիներ որոնելը: Լեռնային Ղարաբաղը միջազգային իրաւունքով կը ճանչցուի իբրեւ Ատրպէյճանի տարածք: Յոյս ունիմ, որ պիտի գայ ժամանակը, երբ օրինախախտները պատասխան պիտի տան իրենց արարքներուն համար», եզրակացուց զայրացած փոխվարչապետը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top