Դոկտ. Ռոզի Վարդիթեր Արուշ Պիտի Բանախօսէ «Ռոսլին» Ցուցադրասրահին Մէջ

0000rosie

 

0000rosieԿԼԵՆՏԷՅԼ.- Կազմակերպութեամբ «Ապրիլ» գրատան եւ Միասեռական հայերու ընկերակցութեան (GALAS) Հինգշաբթի, 28 Յունիսին, երեկոյեան ժամը 7։30էն սկսեալ տեղի պիտի ունենայ «Այլութեան կեանք մը» խորագրուած բանախօսական երեկոն, որ նաեւ առիթ մը պիտի հանդիսանայ պաշտօնապէս նշելու «Ռոսլին» արուեստի ցուցադրասրահին մէջ 8 Յունիսին սկսած՝ «Հայերու տարբեր երեսները» ցուցահանդէսին փակումը:

Ցուցադրասրահին մէջ կայանալիք ձեռնարկին բանախօսն է դոկտ. Ռոզի Վարդիթեր Ա-րուշ, որ վկայուած է Քալիֆորնիոյ համալսարանի Լոս Անճելըսի մասնաճիւղէն՝ մասնագիտանալով միաժամանակ հայագիտութեան եւ ծինային ու սեռային ուսմանց մէջ։ Անոր աւարտաճառը նուիրուած էր Լոս Անճելըսի հայ միասեռականներուն վրայ համայնքին եւ ընտանիքին ունեցած դերակատարութեան։

Ձեռնարկին մուտքը ազատ է եւ տեղի պիտի ունենայ հիւրասիրութիւն։

«Ռոսլին» ցուցադրասրահին հասցէն է՝ 415 E. Broadway, Glendale, CA 91205)։ Անիկա բաց է Երկուշաբթիէն Շաբաթ, առաւօտեան ժամը 10էն մինչեւ երեկոյեան ժամը 7:

Յաւելեալ տեղեկութեանց համար, դիմել (818) 241-0611 թիւին կամ queerhyeart@gmail.com հասցէին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

*

Top