Մեր Նպատակն Է Բանակը Պատրաստել Պատերազմի. Զաքիր Հասանով

0621zakir

0621zakir

ԵՐԵՒԱՆ, «Ազատութիւն».- Ատրպէյճանի պաշտպանութեան նախարար Զաքիր Հասանով 20 Յունիսին յայտարարեց, թէ երկրին զինուորական ուժերը կը պատրաստուին յաջորդ շաբաթ կայանալիք զօրահանդէսին, որուն ընթաղքին պիտի ցուցադրուին նոր զինատեսակներ, մասնաւորապէս՝ հակահրթիռային պաշտպանութեան համակարգեր, որոնք «ի վիճակի են ոչնչացնելու հակառակորդի տարածքի խորքը գտնուող օդային եւ ցամաքային թիրախները»:

Ըստ ատրպէյճանական լրատուամիջոցներու՝ նախարար Հասանով նաեւ նշեց, որ 26 Յունիսին նախատեսուած զօրահանդէսին, բանակը պիտի ցուցադրէ հակաօդային այնպիսի պաշտպանական համակարգեր, որոնց մասին ցարդ միայն խօսուած է, սակայն չեն ցուցադրուած:

2016ի Ապրիլեան պատերազմէն ետք Պաքու նոր թափով շարունակեց ծանր սպառազինութիւն գնել: Վերջերս հաղորդուեցաւ, որ Պաքու գնած է նաեւ պելոռուսեան եւ իսրայէլեան հրթիռային համակարգեր:

«Մեր նպատակն է բանակը պատրաստել պատերազմի եւ այսօր ատրպէյճանական բանակը արդէն պատրաստ է ազատագրելու գրաւեալ տարածքները: Բանակը պատրաստ է նաեւ հոգեբանօրէն», պնդած է Հասանով՝ թուարկելով ատրպէյանական զինուորական ուժերու վերջին «իրագործումները»: Հասանով պնդած է, թէ «ազատագրուած է 11 հազար հեքտար տարածք»:

Յիշեցնենք, որ Պաքու վերջերս յայտարարած էր, թէ Հայաստանի հետ Նախիջեւանի սահմանին տարածք գրաւած է, ինչ որ հայկական կողմը կտրուկ կերպով կը հերքէ՝ ընդգծելով, որ ատրպէյճանական զինուժը տեղաշարժեր ու շինարարական աշխատանքներ կ՛իրականացնէ բացառապէս շրջանի ատրպէյճանական տարածքին մէջ:

Հասանով ըսած է, թէ բացի Նախիջեւանի սահմանին հողատարածք «ազատագրելէ», ատրպէյճանական զինուած ուժերը այժմ «կը վերահսկեն նաեւ Լաչին տանող ճամբան»:

Հայաստանի պաշտպանութեան նախարարութեան խօսնակ Արծրուն Յովհաննիսեան, արձագանգելով նախարարի այս յայտարարութիւններուն՝ շնորհաւորած է վերջինիս «սեփական տարածքում հողերի» ազատագրման կապակցութեամբ»:

Մինչ Երեւան կը հեգնէ ատրպէյճանական բանակի «ձեռքբերումներ»ու մասին պնդումները, Ատրպէյճանի դիւանագիտական գերատեսչութիւնը կ՛ազդարարէ գաղթականներ Լեռնային Ղարաբաղ վերադարձնելու ծրագիրի մասին:

«Մեծ վերադարձ» կոչուող Պաքուի մշակած «համակողմանի ծրագիրը» կը նախատեսէ ատրպէյճանցի գաղթականները կամաւորապէս վերադարձնել «հարազատ վայրեր»: Այս մասին 20 Յունիսին յայտարարութիւն մը կատարած է Ատրպէյճանի արտաքին գործոց նախարարութեան խօսնակ Հիքմեթ Հաճիեւ, առանց յստակ ժամկէտներ նշելու։

Միւս կողմէ, Հասանով յայտարարած է, թէ Պաքու կը գնէ միայն ամէնաարդիական զինատեսակները, կը հաղորդէ ատրպէյճանական «Մինվալ» լրատու գործակալութիւնը։

Նախարարը այս յայտարարութիւնը կատարած է՝ հակադարձելով այն տեղեկութեանց՝ ըստ որոնց Ատրպէյճան օգտագործուած զէնքեր կը գնէ, միաժամանակ պնդելով, թէ «նման ապատեղակատուութիւն կը տարածուի Հայաստանի յատուկ ծառայութիւններուն կողմէ»:

Ըստ նախարարին՝ Ատրպէյճան նաեւ ունի ռազմական աշխյւժ արդիւնաբերութիւն, որուն արտադրանքը «կը համապատասխանէ» ժամանակակից չափանիշներուն»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top