Սեպտեմբերին Քալիֆորնիայէն Գործարարներու Մեծ Պատուիրակութիւն Մը Պիտի Այցելէ Հայաստան

0620sinanian COLOR

0620sinanian COLOR

ԵՐԵՒԱՆ, «Արմէնփրէս».- Կոտայքի մարզպետ Ռոմանոս Պետրոսեան Երեքշաբթի, 19 Յունիսին ընդունեց Կլենտէյլի քաղաքապետ Զարեհ Սինանեանը:

Զարեհ Սինանեան Հայաստանի մէջ իրականացուած թաւշեայ յեղափոխութեան առաջին սատարողներէն եղած էր՝ նախաձեռնելով զօրակցութեան հաւաքներ Կլենտէյլի քաղաքապետարանին առջեւ: Սինանեան մարզպետ Պետրոսեանին յայտնեց, որ յեղափոխութենէն ետք սփիւռքահայ գործարարներ փափաք յայտնած են այցելել Հայաստան՝ զանազան ծրագիրներով:

Կոտայքի մարզպետին հետ զրոյցին ընթացքին Սինանեան յայտնեց, որ Սեպտեմբերին կը նախատեսուի Քալիֆորնիա նահանգէն մեծ պատուիրակութեան այցելութիւնը Հայաստանի Հանրապետութիւն: Պատուիրակութեան կազմին մէջ պիտի ըլլան Սիլիքոն հովիտի առաջատար Տեղեկատութեան ճարտարարուեստի (IT) կազմակերպութիւններու ներկայացուցիչներ, գիւղատնտեսական բնագաւառի գործարար ներկայացուցիչներ եւ խորհրդատուներ, նաեւ այլ որլորտներու մէջ աշխատող սփիւռքահայ գործարարներ: Համաձայնութիւն ձեռք բերուեցաւ Սեպտեմբերի այցին ընթացքին Քալիֆորնիոյ պատուիրակութիւնը ընդունիլ նաեւ Կոտայքի մարզին մէջ:

Ռոմանոս Պետրոսեան Կլենտէյլի քաղաքապետին նուիրեց Նիկոլ Փաշինեանի «Երկրի հակառակ կողմը» գիրքը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top