Սփիւռքի Նախարար Հայրապետեան Պիտի Մասնակցի ՀՄԸՄի Խորհրդաժողովին

0623Armenia Diaspora Panel

0623Armenia Diaspora Panel

ՊԸՐՊԵՆՔ.- Արեւմտեան Ամերիկայի ՀՄԸՄին նախաձեռնած եւ ՀՄԸՄի հիմնադրութեան հարիւրամեակին նուիրուած տօնակատարութիւններու ծիրին մէջ, Շաբաթ, 23 Յունիսին կայանալիք երիտասարդական եւ Հայաստան-Սփիւռք հարցերու նուիրուած խորհրդաժողովին՝ «Ապագայի հզօրացում. Դերակատարութիւնդ՝ աւելի հզօր Հայաստան մը ստեղծելու ջանքերուն մէջ» քննարկումին իր մասնակցութիւնը պիտի բերէ նաեւ Հայաստանի սփիւռքի նարարար Մխիթար Հայրապետեան։

Ինչպէս նախապէս հաղորդած էինք, այս քննարկումին ընթացքին ելոյթներ պիտի ունենան նաեւ Վաչէ Թովմասեան եւ Մարկարիթա Պաղտասարեան, իսկ քննարկումը պիտի համադրէ Էլէն Ասատրեան:

Նախարարը խորհրդաժողովին իր մասնակցութիւնը կը նկատէ երիտասարդութեան հետ կարծիքներ փոխանակելու լաւ առիթ մը։

Քննարկումը պիտի կատարուի Հայաստանի մէջ տեղի ունեցած խաղաղ իշխանափոխութեան լոյսին տակ, որ Հայաստան-Սփիւռք համագործակցութեան նոր ուղիներ կը բանայ։

Մխիթար Հայրապետեան 11 Մայիսին նշանակուած էր սփիւռքի նարարար։ Ան նախապէս եղած է Հայաստանի «Քաղաքացիական Պայմանագիր» կուսակցութեան Սփիւռքի հարցերու համակարգողը։ Ան նաեւ եղած է նշեալ կուսակութեան հիմնադիրներէն մէկը։

Խորհրդաժողովը տեղի պիտի ունենայ «Ուուտպըրի» համալսարանի «Ֆլեչըր Ճոնզ» սրահին մէջ: Անիկա պիտի սկսի կ.ա. ժամը 11ին։

Յաւելեալ տեղեկութեանց համար այցելել հարիւրամեակին առիթով համացանցային յատուկ կայքը՝ www.WeAre100.info:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top