Ջաւախքին Նուիրուած Բարեգործական Դաշտահանդէս Նոր Ջուղայի Մէջ

0000NOR-JUGHA

0000NOR-JUGHA

ՆՈՐ ՋՈՒՂԱ.- Նոր Ջուղայի «Հայուհեաց» բարեգործական ընկերութեան նախաձեռնութեամբ՝ ամէնամեայ դրութեամբ կազմակերպուող Ջաւախքին եւ ջաւախահայութեան նուիրուած բարեգործական դաշտահանդէսը այս տարի տեղի ունեցաւ 29 Յունիսին, Նոր Ջուղայի Հայ մարզամշակութային «Արարատ» միութեան շրջաբակին մէջ: «Հայերն Այսօր»ը՝ յղում կատարելով «Նոր Ջուղա» կայքէջին, կը յայտնէ, որ ձեռնարկի կազմակերպման գործին մէջ ընկերութեան հետ սերտ համագործակցութիւն ցուցաբերած էր Նոր Ջուղայի Հայ մարզամշակութային «Արարատ» միութեան Կեդրոնական վարչութիւնը:

Խանդավառ մթնոլորտով այս ծրագիրին մէջ նախատեսուած էին հետաքրքրական խաղեր, երգ-երաժշտութիւն եւ համեղ ուտելիքներ: Նախատեսուած էր նաեւ նուիրահաւաքի կրպակ, ուր փափաքողները առիթը ունեցան իրենց սրտաբուխ նուիրատուութիւնները կատարելու՝ ի նպաստ Ջաւախքի եւ ջաւախահայութեան:

Դաշտահանդէսի հասոյթը պիտի յատկացուի շրջանի Հայ Դատի յանձնախումբին կողմէ հիմնուած «Ջաւախք» հիմնադրամին:

0000NOR-JUGHA1

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top