Ի՞նչ Հիւանդութեան Մասին Են  Յուշում Բառերն  Ու Արտայայտութիւնները (Ընկճախտ)

0000TATEVOSIAN

 

0000TATEVOSIANԸնկճախտը(depression)  հոգեկան հիւանդութիւնն է, որի արտայայտման նշաններից կարող է լինել նաեւ խօսքը: Մարդու ներքին իրավիճակի   արտայայտութեան մի ձեւն էլ՝ խօսքն է: Ընկճախտի ժամանակ տրամադրութեան անկումից բացի, հիւանդի մօտ նկատւում են նաեւ յոռետեսութիւն, ակտիւութեան փոփոխութիւն, խուճապ, ուշադրութեան անկայունութիւն, մտածողութեան եւ շարժումների դանդաղում, հիւծուածութիւն, ինքնագնահատականի իջեցում: Ուրեմն, հիւանդի ո՞ր բառերն են վկայում այդ իրավիճակի մասին:

«Ես» եւ «ինքս» բառերը ցոյց են տալիս, որ անձը սեւեռուած է ինքն իր վրայ՝ ինչը ընկճախտի նշաններից է:

«Միշտ» եւ «երբեք» բառերը շատ են օգտագործում մարդիկ, ովքեր ծայրայեղ են ընդունում իրավիճակը: «Միշտ այդպէս է» կամ «Ես երբեք չեմ կարողանայ անել դա»՝ իրավիճակներ, ուր մարդը դատապարտուած է զգում եւ դադարում է ելք փնտռելուց:

«Ես պէտք է… », արտայայտութիւնը կարող է յուշել մարդու մեղքի զգացողութեան մասին, որ անձը թերահաւատութեամբ է վերաբերւում ինքն իրեն եւ պարտաւորուած է զգում մի բան փոխելու: Այս արտայայտութեան շարունակութիւնն է «ես չեմ կարող»ը՝ իրավիճակի բացասական ըմբռնումը: «Դա իմ մեղքն է», «ես յոգնել եմ ամէն ինչից», «դա ոչ մէկին պէտք չէ», այս արտայայտութիւնները նոյնպէս վկայում են հոգեկան ընկճուածութեան, անհանգիստ մտավիճակի, ինքնաթերագնահատման մասին: Իհարկէ, ոչ բոլոր դէպքերում, սակայն անընդհատ կրկնութեան դէպքում կարող են վկայել լուրջ հիւանդութեան՝ ընկճախտի մասին:

Եւ հակառակը,  ընկճախտ ունեցողները հեշտութեամբ չեն խօսում իրենց հիւանդութեան մասին: Մարդիկ շատ հեշտութեամբ են կրկնում  «ես դեպրեսիա ունեմ» արտայայտութիւնը՝ առանց երկար մտածելու, թէ ինչ է դա իրենից իրականում ներկայացնում: Մարդուն յատուկ է ապրել այնպիսի բացասական յոյզեր, ինչպիսիք են, օրինակ, տխրութիւնը, վիշտը, ընկճուածութիւնը եւ այլն: Սա բաւականին բնական երեւոյթ է հոգեպէս առողջ մարդու կեանքում: Որոշ ժամանակ անց տրամադրութիւնը նորից բարձրանում է, եւ մարդ շարունակում է ապրել իր բնականոն կեանքով: Ի հակադրութիւն սրա՝ ընկճախտը սովորաբար տեւում է ոչ թէ օրեր, այլ մի քանի ամիսներ, նոյնիսկ՝ տարիներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top