Չինաստան 100 Միլիոն Տոլար Օժանդակութիւն Կը Խոստանայ Սուրիոյ, Յորդանանի, Եմէնի Եւ Պաղեստինի

0712China-Arabs

0712China-Arabs

ՊԷՅԺԻՆԿ, «Ռոյթըրզ».- Չինաստանի նախագահ Շի Ճինփինկ Յուլիս 10ին տեղի ունեցած չին-արաբական համագործակցութեան 8րդ խորհրդաժողովի բացումին ընթացքին յայտարարեց, թէ իր երկիրը մտադիր է Սուրիոյ, Յորդանանին, Եմէնին եւ Պաղեստինին աւելի քան 100 միլիոն տոլար արժողութեամբ մարդասիրական օժանդակութիւն տրամադրել:

Չինաստանի նախագահը նաեւ յայտարարեց, որ աշխատանք պիտի տանի ՄԱԿի մէջ պաղեստինցի ժողովուրդին օգնելու, «որպէսզի ան կարենայ իր դիւանագիտական շահերը ամրապնդել»:

«Չինաստան Միջին Արեւելքի մէջ կը վարէ խաղաղութեան պահպանման քաղաքականութիւն, որ նկատի կ՛առնէ այդ շրջանի ժողովուրդներուն շահերը, ներառեալ՝ անոնց զարգացման ձգտումը», ըսաւ նախագահը՝ աւելցնելով. «Մենք մտադիր ենք հետեւելու ազգային գերիշխանութեան պաշտպանութեան եւ անջատողականութեան ընդդիմանալու սկզբունքներուն։ Չինական կողմը հանդէս կու գայ ահաբեկչութեան դէմ այն հաւանական բոլոր միջոցներու կիրառման օգտին, որոնք կ՛արտօնեն ապահովել արաբական երկիրներու բնակչութեան կեանքի բարելաւումը»:

Չին-արաբական համագործակցութեան 8րդ խորհրդաժողովին կը մասնակցին 21 արաբական պետութիւններու դիւանագիտական եւ կառավարական ներկայացուցիչներ, ինչպէս նաեւ Արաբական լիկայի ընդհանուր քարտուղարը:

Խորհրդաժողովի կեդրոնական խնդիրներէն մէկը առեւտրական-տնտեսական համագործակցութեան ծաւալներու աշխուժացումն է:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top