Էրտողան՝ «Քուէատուփային Բռնապետ»

ԵՐԵՒԱՆ, «Էրմենիհապեր».- Թուրքիոյ կառավարութեան գլխաւոր ընդդիմադիր՝ Հանրապետական ժողովրդային կուսակցութեան փոխնախագահ եւ բանբեր Պիւլենտ Թեզճան մամլոյ ներկայացուցիչներուն յայտարարութիւններ ըրաւ այն մասին, թէ ի՛նչ ուղիով պիտի առաջնորդուի Թուրքիան՝ արտահերթ ընտրութիւններէն ետք։

Անդրադառնալով նախագահ Էրտողանի երդման արարողութեան, Թեզճան ըսաւ, որ երկիրը մուտք գործած է նոր շրջանի մը մէջ։ Ան ծանր արտայայտութիւններով քննադատեց նախագահ Էրտողանը ու ըսաւ շատ յանդուգն խօսքեր, որոնք մեծ հաւանականութեամբ յառաջիկայ օրերուն իրենց պատասխանը պիտի ստանան։

Թեզճան ըսաւ. «Այն, ինչը տեղի ունեցաւ, սուտի քաղաքականութիւն է։ Ըստ էութեան, արդէն երկու տարիէ ի վեր կը շարունակուէր մէկ հոգիի իշխանութիւնը։ Արտակարգ դրութեան իրավիճակով ժողովրդավարութիւնը ոչնչացուեցաւ եւ մեր երկիրը մնաց մէկ անձի իշխանութեան հետ դէմ յանդիման։ Այսօր այն համակարգը որ ծնաւ, ունի իր անունը՝ քուէատուփային բռնապետութիւն, իսկ երդում ընող անձը՝ քուէատուփային բռնապետ է»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top