Ատրպէյճանը Երբե՛ք Առանձին Չենք Ձգեր. Էրտողան

0713erdo Artsakh

0713erdo Artsakh

ԵՐԵՒԱՆ, «Էրմենիհապեր».- Թուրքիոյ նախագահ Ռեչեփ Թայիփ Էրտողան, բռնագրաւեալ հիւսիսային Կիպրոսի թրքական ինքնահռչակ հանրապետութենէն վերադառնալէ ետք պատասխանած է լրագրողներու հարցումներուն՝ անդրադառնալով նաեւ Արցախի հակամարտութեան:

Ան նշած է, որ ցայսօր միջազգային հարթակներու վրայ Թուրքիա միշտ աջակցութիւն ցուցաբերած է Ատրպէյճանի իշխանութիւններուն, եւ այդ մօտեցումը պիտի շարունակուի նաեւ ապագային:

«Ղարաբաղի հարցով մենք ի սկզբանէ միշտ աջակցած ենք, կ՛աջակցինք եւ պիտի շարունակենք աջակցիլ Ատրպէյճանին: Այս հարցով կայ 3 պատասխանատու երկիր՝ Միացեալ Նահանգներ, Ռուսիա եւ Ֆրանսա: Դժբախտաբար, անոնք այդ ուղղութեամբ չեն առներ անհրաժեշտ քայլերը եւ այդ պատճառով ալ հակամարտութիւնը կը շարունակուի եւ լուծում չի գտներ», աւելցուցած է Էրտողան:

«Այս (Արցախի) հարցով, մենք Ատրպէյճանը երբե՛ք առանձին չենք ձգած եւ չենք ձգեր», եզրափակած է Թուրքիոյ նախագահը:

Յիշեցնենք, որ նախագահի պաշտօնին վերընտրուելէ ետք, Էրտողան իր առաջին պաշտօնական այցելութիւնը տուաւ Ատրպէյճանին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top