Համանախագահները Կրկին Կը Մատնանշեն Լարուածութեան Մեղմացման Անհրաժեշտութիւնը

0713minsk

0713minsk

ԵՐԵՒԱՆ, «Արմէնփրէս».- ԵԱՀԿ Մինսկի խմբակի համանախագահները Յուլիս 11ին Հայաստանի եւ Ատրպէյճանի արտաքին գործոց նախարարներու հանդիպման ընթացքին մատնանշած են լարուածութիւնը մեղմացնելու եւ հրահրող հռետորաբանութենէ խուսափելու անհրաժեշտութիւնը. այս մասին նշուած է նոյն հանդիպման մասին ԵԱՀԿի տարածած հաղորդագրութեան մէջ:

Հոն նաեւ կը շեշտուի, թէ նախարարներուն սոյն հանդիպումը Ատրպէյճանի եւ Հայաստանի մէջ կայացած ընտրութիւններէն ի վեր առաջին բարձր մակարդակի հանդիպումն էր:

«Նախարարները միտքեր փոխանակեցին տիրող իրադրութեանց շուրջ եւ քննարկեցին հետագայ քայլերը՝ կրկին ներգրաւուելու համար յատկանշական բանակցութիւններու գործին մէջ: Կողմերը քննարկեցին որոշ հարցեր՝ յառաջիկայ հանդիպումներու եւ յատկապէս վստահութեան կառուցման միջոցներու վերաբերեալ: Համանախագահները վերահաստատեցին իրենց յանձնառութիւնը՝ օգնել կողմերուն գտնելու հիմնախնդիրի խաղաղ կարգաւորումը՝ հիմնուած Հելսինքիի եզրափակիչ որոշումի հիմնարար սկզբունքներուն վրայ, ներառեալ ուժի ու ուժի սպառնալիքի չկիրառման, տարածքային ամբողջականութեան, ժողովուրդներու հաւասար իրաւունքներու եւ ինքնորոշման սկզբունքները:

«Նախարարները համաձայնեցան մօտ ապագային կրկին հանդիպելու՝ համանախագահներու հովանիին ներքեւ», նշուած է յայտարարութեան մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

*

Top