Հետախուզման Մէջ Գտնուող Նարեկ Սարգսեանի Թիկնապահը Ոստիկանութիւն Ներկայացաւ

ԵՐԵՒԱՆ.- Քրասնոտար-Երեւան թռիչքի օդանաւին ժամանումէն ետք, 10 Յուլիսին, «Զուարթնոց» օդակայանի ժամանման սրահէն Հայաստանի ոստիկանութեան Երեւան քաղաքի վարչութեան ներկայացաւ 1990ի ծնունդ Արտեմ Պետրոսեան:

28ամեայ երիտասարդը 6 Յուլիս 6էն ի վեր կը հետախուզուէր Հայաստանի քրէական օրէնսգրքի 235րդ յօդուածի 2րդ (ապօրինի կերպով զէնք, ռազմամթերք, պայթուցիկ նիւթեր կամ պայթուցիկ սարքեր ձեռք բերել, իրացնել, պահել, փոխադրել կամ կրել) եւ 266րդ յօդուածի 2րդ մասի 1ին կէտի (թմրամիջոցներու, հոգեմետ (հոգեներգործուն) նիւթերու եւ անոնց ապօրինի շրջանառութիւնը իրացնելու կամ պատրաստելու նպատակով կամ անոնց ապօրինի իրացնել) մեղադրանքներով. խափանման միջոցը՝ կալանք:

Իրաւապահ համակարգի վստահելի աղբիւրու համաձայն՝ Արտեմ Պետրոսեան թիկնապահն է Հայաստանի երրորդ նախագահ Սերժ Սարգսեանի եղբօրորդի Նարեկ Սարգսեանի, որ նոյնպէս հետախուզման մէջ կը գտնուի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top