Թրամփ Դարձեալ Նախընտրած Է Մենատէրը

0713trump erdo

 

0713trump erdo

ՊՐԻՒՔՍԷԼ.- ՆԱԹՕի գերաստիճանին մեկնելէ առաջ, Միացեալ Նահանգներու նախագահ Տանըլտ Թրամփ յայտնած էր, թէ իրեն համար աւելի դիւրին պիտի ըլլայ Ռուսիոյ նախագահ Վլատիմիր Փութինի հետ հանդիպումը, քան՝ ՆԱԹՕի գերաստիճանին մասնակցիլն ու Բրիտանիա այցելութիւնը, ուր հսկայ ցոյցեր կը պատրաստուին Թրամփի դէմ։

Թրամփ աւելի հանգիստ էր նաեւ Եօթներու խմբակի անդամներուն հետ հանդիպումներէն ետք Հիւսիսային Քորէայի ղեկավար Քիմ Ճոնկ Ունի հետ իր ունեցած հանդիպման ընթացքին, մինչ Քիմ, Թրամփի նման ձեւական խոստումներ տալէ եւ յաղթանակ հռչակելէ ետք՝ ցարդ յատկանշական ոչ մէկ քայլ առած է երկրին հիւլէական զէնքերը չէզոքացնելու գծով։

ՆԱԹՕի վեհաժողովին հետեւող «Նիւ Եորք Փոսթ»ի թղթակիցը նկատած է, որ Թրամփ, որ դարձեալ խստօրէն քննադատած էր իր երկարամեայ դաշնակիցները, լուսանկարուելու համար պատրաստուելու ընթացքին հեռու մնացած է եւրոպացիներէն՝ նախընտրելով զրոյց մը ունենալ իր մենատիրական լիազօրութիւնները ընդարձակելէ ետք նախագահ վերընտրուած Թուրքիոյ նախագահ Ռեչեփ Թայիփ Էրտողանի հետ։

0713London

Թրամփ՝ բրիտանացիներու ակնոցով

Յիշեցնենք, որ անցեալ տարուան վեհաժողովին, Թրամփ հրած էր Մոնթենեկրոյի վարչապետը՝ լուսանկարին մէջ անկէ առաջ կանգնելու համար։

Նաեւ, Յուլիս 12ին, Թրամփ որոշած է իրեն վերագրել 2014ին գոյացած ՆԱԹՕի ղեկավարներուն այն համաձայնութիւնը, որ ուխտի անդամ պետութիւնները կը դնէր պաշտպանութեան ծախսերը Տեղական ընդհանուր արտադրութեան (GDP) առնուազն 2 տոկոսին չափով բարձրացնելու պարտադրանքին տակ՝ մինչեւ 2024 թուական։

Աւելի ուշ, Ֆրանսայի նախագահ Էմանուէլ Մաքրոն ճշդեց, թէ վեհաժողովին ընթացքին այդ գծով նոր համաձայնութիւն չէ գոյացած։

Իր կարգին, Միացեալ Նահանգներու նախկին արտաքին գործոց նախարար եւ նախագահական թեկնածու Ճան Քերի «ամօթալի՛» որակեց Պրիւքսէլի մէջ Թրամփի կատարած յայտարարութիւնները՝ աւելցնելով, որ անոնք վնաս կը հասցնեն ամերիկեան ազգային շահերուն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top