Հիւսիսային Քորէա Կը Մերժէ Միացեալ Նահանգներու Հետ Միացեալ Աշխատանքային Խումբ Ստեղծել

ՈՒԱՇԻՆԿԹԸՆ, ՍԷՈՒԼ, «Ռոյթըրզ».- Միացեալ Նահանգները եւ Հիւսիսային Քորէան չեն յաջողած միացեալ աշխատանքային խումբ մը ստեղծել, որովհետեւ կողմերը Քորէական թերակղզիի ամբողջական ապահիւլէականացման հարցին մէջ ամբողջովին տարբեր դիրքորոշումներ ունին: Միացեալ Նահանգներու արտաքին գործոց նախարարութիւնը հաղորդած է, թէ ամերիկեան կողմը աշխատանքային խումբ ստեղծած է, սակայն Փիոնկիանկ ընդդիմացած է անոր, որովհետեւ Ուաշինկթըն կը պահանջէ ամբողջական եւ արագ ապահիւլէականացում, մինչդեռ Հիւսիսային Քորէան կողմ է հանգրուանային եւ դանդաղ հոլովոյթին:

Նաեւ, Յուլիս 12ին Հիւսիսային Քորէայէն ներկայացուցիչներ չեն մասնակցած երկու Քորէաներուն եւ Միացեալ Նահանգներու միջեւ ծրագրուած ու Քորէաներու սահմանին վրայ կայանալիք հանդիպումին, որուն նպատակն էր քննարկել Քորէայի պատերազմին ընթացքին ամերիկացի զինուորներու աճիւններուն վերադարձը։

Նշենք, որ Միացեալ Նահանգներու արտաքին գործոց նախարար Մայք Փոմփէօ անցեալ շաբաթ այցելած էր Փիոնկիանկ, քննարկելու համար ապահիւլէականացման հարցը: Փոմփէոյի համաձայն՝ Հիւսիսային Քորէա կատարած այցելութեան ժամանակ ինք ամենայն մանրամասնութեամբ քննարկած է ապահիւլէականացման հարցը: Ան ըսած է, թէ Հիւսիսային Քորէայի իշխանութիւնները վերահաստատած են իրենց յանձնառութիւնը՝ թերակղզիի ապահիւլէականացման հոլովոյթը աւարտին հասցնելու գծով: Սակայն, աւելի ուշ, Հիւսիսային Քորէայի արտաքին գործոց նախարարութիւնը Փոմփէոյի հետ հանդիպման առնչութեամբ յայտնած էր, որ ծայրայեղ դժգոհ է անոր արդիւնքէն՝ «հրոսակային» որակելով ամերիկեան կողմի պահանջները։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top