Հայաստանի Բանտերուն Մէջ 3290 Կալանաւորներ Կան

0714prisoners

0714prisoners

ԵՐԵՒԱՆ, «Երկիր Մեդիա».- Հայաստանի դատախազութիւնը կը շարունակէ իրականացնել 12 Յուլիսին Հայաստանի դատախազութեան ղեկավար անդամներու նիստի արդիւնքներով ընդունուած՝ կալանաւորումը որպէս խափանման միջոց ընտրելու եւ կալանքի ժամկէտը երկարացնելու օրինականութեան ապահովման ուղղուած դատախազական հսկողութեան գործելակերպի կտրուկ բարեփոխման վերաբերող որոշումներու կենսագործումը:

Մասնաւորապէս քայլեր կը ձեռնարկուին, որպէսզի ոչ մեծ եւ միջին ծանրութեան յանցագործութիւններու համար մեղադրուող անձերու նկատմամբ կալանաւորումը որպէս խափանման միջոց կիրառելու վերաբերեալ միջնորդութիւնները դատարան ներկայացուին միայն այն պարագային, երբ փաստական տուեալներով կը հիմնաւորուի կալանքի հիմքերու առկայութիւնը:

Խափանման միջոց ընտրելու հարցի քննարկման պարագային կը դիտարկուի այլընտրանքային խափանման միջոցներ կիրառելու հնարաւորութիւնը եւ, հնարաւոր վտանգներու գնահատումով, աւելի գործադրելի կը դարձուի անձնական երաշխաւորութեան, գրաւի կիրառումը:

Անցեալ մէկ ամսուան ընթացքին Հայաստանի գլխաւոր դատախազութեան եւ տարածքային ստորաբաժանումներու դատախազներու դատավարական ղեկավարման տակ քննուող քրէական գործերով արդէն իսկ մեղադրեալներու կամ ամբաստանեալներու վերաբերեալ կայացուած են կալանաւորումը անազատութեան հետ չկապուած այլ փոխանման միջոցով փոխարինելու մասին ընդհանուր 107 որոշումներ, որոնցմէ 65ը կայացուած է դատական քննութեան, իսկ 42ը՝ նախնական քննութեան ընթացքին:

Նշենք, որ քրէակատարողական վարչութենէն ստացուած տեղեկատուութիւններուն համաձայն, 1 Յունուար 2018ի դրութեամբ, բանտերու մէջ արգելափակուած են 3436 անձեր, որոնցմէ 1330ը՝ նախնական կալանքի տակ գտնուող անձեր, իսկ 1 Յուլիս 1ի դրութեամբ՝ 3290 (146ով պակաս) անձեր, որոնցմէ 1228ը (102ով պակաս)՝ նախնական կալանքի տակ գտնուողներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top