Ցուցահանդէս՝ Ուիլեըմ Սարոյեանի Անուան Թանգարանի Բացման Առիթով

0000Saroyan House Museum1

0000Saroyan House Museum1

ՖՐԵԶՆՕ.- Ուիլեըմ Սարոյեանի անուան տուն-թանգարանին պաշտօնական բացումը տեղի պիտի ունենայ Օգոստոս 31ին, որ Սարոյեանի ծննդեան 110րդ տարեդարձն է:

Այս առիթով, Քալիֆորնիոյ նահանգային համալսարանի Ֆրեզնոյի մասնաճիւղի ուսանողական կեդրոնի սրահին մէջ (2576 E. San Ramon Ave, Fresno, CA 93740) տեղի պիտի ունենայ ցուցահանդէս մը, որուն բացումը տեղի պիտի ունենայ Օգոստոս 31ին, երեկոյեան ժամը 6։30ին, եւ ընթացքին պիտի կատարուի Ուիլեըմ Սարոյեանի ու անոր տուն-թանգարանի ծրագիրին նուիրուած վաւերագրական ֆիլմի մը ցուցադրութիւնը։

Ցուցահանդէսի աւարտին տեղի պիտի ունենայ հիւրասիրութիւն։ Մուտքը ազատ է, սակայն կը խնդրուի նախապէս արձանագրուիլ՝ այցելելով http://saroyanhouse.com կայքը։

Արդէն իսկ իրենց վերջին հանգրուանին հասած են թանգարանի պատրաստութեան աշխատանքները, որոնց շնորհիւ՝ Սարոյեան, ինչպէս նաեւ անոր գործերու հերոսները պիտի «վերակենդանանան» Սարոյեանի ծննդավայր Ֆրեզնոյի մէջ:

0000Saroyan House Museum2

Հեղինակի մը աւանդական տուն-թանգարանը ըլլալուն կողքին, «Սարոյեանի Տուն»ը պիտի ունենայ ամերիկահայ յայտնի գրողին գործերուն, լուսանկարներուն եւ նկարչութեան թուայնացած մեծագոյն արխիւը:

Տուն-թանգարանին հասցէն է՝ 2729 W. Griffith Way, Fresno, CA 93705:

«Վերածնունդ» հիմնարկի հիմնադիր Արթուր Ջանիբեկեանի նախաձեռնած այս ծրագիրին մասին յաւելեալ տեղեկութեանց համար, այցելել www.facebook.com/saroyanhouse կայքէջը:

Յաւելեալ տեղեկութեանց համար, դիմել info@irf.am կամ barlowd@csufresno.edu հասցէներուն, կամ՝ (559) 360-5058 թիւին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top