Քրտամէտ Կուսակցութեան Դէմ Հալածանքը Կը Շարունակուի Թուրքիոյ Մէջ

0718HDP

 

0718HDP

ԵՐԵՒԱՆ, «Էրմենիհապեր».- Յունիս 24ին Թուրքիոյ մէջ տեղի ունեցած խորհրդարանական ու նախագահական ընտրութիւններէն ետք եւս, տակաւին կը շարունակուին քրտամէտ Ժողովուրդներու ժողովրդավարական կուսակցութեան պատգամաւորներուն դէմ քրէական հալածանքը:

Այս անգամ, Տիգրանակերտի հանրապետական դատախազութեան կողմէ հետաքննութիւն սկսած է քրտամէտ կուսակցութեան պատգամաւորներ Մուսա Ֆարիսօղուլլարի եւ Ռեմզիյէ Թոսունի դէմ, պարզապէս որովհետեւ անոնք քանի մը օր առաջ մասնակցած էին թրքական բանակին կողմէ սպաննուած Քիւրտիստանի բանուորական կուսակցութեան զինեալի մը յուղարկաւորութեան:

Այս արարքին համար, քիւրտ պատգամաւորները կ՛ամբաստանուին «ահաբեկչական կազմակերպութեան ի նպաստ քարոզչութիւն կատարելու» յանցանքով:

Նշենք, որ 2016ին, Թուրքիոյ իշխող կուսակցութեան նախաձեռնութեամբ փոփոխութիւններ կատարուեցաւն պատգամաւորներու անձեռնմխելիութեան մասին սահմանադրութեան համապատասխան յօդուածին մէջ, որմէ ետք բազմաթիւ ընդդիմադիր պատգամաւորներու դէմ քրէական հետապնդումներ սկսան: Այս արշաւին զոհ գացած են ընդդիմադիր կուսակցութան նախկին համանախագահներ Սալահետտին Տեմիրթաշն ու Ֆիկեն Եուքսեքտաղը, եւ մօտաւորապէս տասնեակ մը նախկին պատգամաւորներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top