Թրամփ Կը «Յստակացնէ» Ռուսական Միջամտութեան Մասին Իր Դիրքորոշումը

0719Putin Trump

0719Putin Trump

ՈՒԱՇԻՆԿԹԸՆ, «Ամերիկայի Ձայն».- Նախագահ Տանըլտ Թրամփ խիստ քննադատութեանց ենթարկուած էր՝ Ռուսիոյ իր պաշտօնակից Վլատիմիր Փութինի հետ հանդիպումէն ետք տրուած մամլոյ ասուլիսին ընթացքին իր կատարած այն յայտարարութեան համար, թէ ինք ամերիկեան գաղտնի սպասարկութիւններու եզրակացութիւններուն փոխարէն՝ Փութինի հերքումին կը վստահի, 2016ի նախագահական ընտրութեանց ընթացքին Մոսկուայի միջամտութեանց գծով։

Տեղի տալով այս քննադատութիւններուն, որոնք եկան դեմոկրատ եւ հանրապետական ղեկավարներէ, Թրամփ Յուլիս 17ին նահանջեց՝ պնդելով, որ պարզապէս «սխա՛լ խօսած է», սակայն միաժամանակ փորձեց մեղմացնել Ռուսիոյ դէմ կեցուածքը՝ ըսելով, որ այլ երկիրներ եւս կրնան միջամտած ըլլալ նախագահական ընտրութիւններուն։

«Կ՛ընդունիմ մեր գաղտնի սպասարկութիւններու եզրակացութիւնը, թէ Ռուսիա միջամտած է 2016ի ընտրութիւններուն», դժկա-մութեամբ յայտնեց Թրամփ՝ պնդելով, որ ընտրութիւններուն ընթացքին համագործակցութիւն չէ եղած իր ընտրապայքարի խումբին եւ Մոսկուայի միջեւ։

«Անմիտ եւ վտանգաւոր է, երբ Միացեալ Նահանգներու նախագահը կ՛աջակցի նախագահ Փութինին՝ ընդդիմանալով Ամերիկայի իրաւապահներուն, զինուորականներուն եւ հետախուզական գործակալութիւններուն», նշեց Ծերակոյտի դեմոկրատ փոքրամասնութեան ղեկավար Չաք Շումըր, մինչ Ներկայացուցիչներու տան հանրապետական ղեկավար Փօլ Ռայըն ընդգծեց, թէ Քոնկրեսին կողմէ կատարուած հետաքննութիւնը փաստած է ռուսական միջամտութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top