Իտալիա Պիտի Աջակցի Արցախի Հակամարտութեան Կարգաւորման Գործին. Մաթարելլա

0817Italy color

0817Italy color

ՊԱՔՈՒ, «Էյ.Փի.Էյ.».- Ատրպէյճան այցելող Իտալիոյ նախագահ Սերճիօ Մաթարելլա, որուն երկիրը այս տարի ստանձնած է ԵԱՀԿի նախագահութիւնը, Յուլիս 18ին հանդիպում մը ունեցաւ նախագահ Իլհամ Ալիեւի հետ. հանդիպման աւարտին տրուած միացեալ մամլոյ ասուլիսին ընթացքին, Մաթարելլա յայտնեց. «ԵԱՀԿի նախագահութեան ծիրին մէջ Իտալիա իր աջակցութիւնը կը ցուցաբերէ Լեռնային Ղարաբաղի հակամարտութեան կարգաւորման գործին: Մենք կ՛ուզենք, որ բանակցութիւններու ձեւը փոխելու փոխարէն՝ գտնուին բանակցութիւններ վարելու նոր ուղիներ, որոնք պիտի առաջնորդեն տարածաշրջանի ապահովութեան: Մեր կարծիքով՝ այս հակամարտութիւնը պէտք է կարգաւորուի ոչ թէ ռազմական, այլ՝ քաղաքական ճամբով»:

Իր կարգին, Ալիեւ ըսաւ. «Հայաստան ապօրինի կերպով գրաւած է մեր պատմական հողերը»։

Մաթարելլա նաեւ Ալիեւի հետ ներկայ եղաւ Սումգայթի մէջ տեղի ունեցած քիմիական արդիւնաբերութեան պետական գործարանի մը բացման արարողութեան։

Նշենք, որ Իտալիոյ նախագահը նաեւ Հայաստան պիտի այցելէ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top