Կասեցուած Է Եղուարդի Մէջ Կառուցուող Նաւթավերամշակման Գործարանի Շինարարութիւնը

0720armoil

0720armoil

ԵՐԵՒԱՆ, «Արմէնփրէս».- 10 Յուլիսին, Բնապահպանութեան եւ ընդերքի տեսչական մարմինին կողմէ «Արմօյլ» ընկերութեան նկատմամբ յարուցուած վարչական վարոյթի ծիրին մէջ պարզուած է, որ նախքան Կոտայքի մարզի Եղուարդ քաղաքի Նատի թաղամասին վրայ նաւթավերամշակման գործարանի շինարարութեան սկսիլը, «Արմօյլ» չէ իրականացուցած «Շրջակայ միջավայրի վրայ ազդեցութեան գնահատման եւ փորձաքննութեան մասին» Հայաստանի Հանրապետութեան օրէնքով նախատեսուած հիմնադրոյթային փաստաթուղթերու հիման վրայ գործարանի յետագայ կառուցումով շրջակայ միջավայրին վրայ ազդեցութեան գնահատում եւ փորձաքննութիւն:

Մեկնելով վերոյիշեալէն, Բնապահպանութեան եւ ընդերքի տեսչական մարմինի ղեկավար Արթուր Գրիգորեան 16 Յուլիսին կասեցուցած է նաւթավերամշակման գործարանի շինարարութիւնը մինչեւ «Շրջակայ միջավայրի վրայ ազդեցութեան գնահատման եւ փորձաքննութեան մասին» օրէնքով նախատեսուած հիմնադրութային փաստաթուղթերու շրջակայ միջավայրի վրայ ազդեցութեան գնահատումը եւ փորձաքննութեան դրական որոշման ստացումը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top