Հայ-Ռուսական Մարդասիրական Համագործակցութեան Կեդրոնէն Օժանդակութիւն՝ Սուրիոյ Ժողովուրդին

0720armenorussianaid1

 

0720armenorussianaid1

ՀԱԼԷՊ, «Գանձասար».- Երկուշաբթի, 16 Յուլիսին, Հայ-ռուսական մարդասիրական համագործակցութեան կեդրոնի առաքած մարդասիրական օժանդակութեան Հալէպի յատկացուած բաժինը հասաւ Ս. Աստուածածին եկեղեցի:

Օժանդակութեան այս ծրագիրը կազմակերպուած էր Հայ-ռուսական մարդասիրական համագործակցութեան կեդրոնին կողմէ, որուն նպատակն էր օժանդակել Սուրիոյ բոլոր նահանգներու բնակչութեան, յատկապէս յետ-պատերազմեան շրջանին իրենց բնակարանները վերադարձած քաղաքացիներուն: Օժանդակութիւնը կ՛ընդգրկէր 100 թոն սննդամթերք, որուն 70 թոնը յատկացուած էր Սուրիոյ ժողովուրդին եւ յանձնուած Սուրիոյ Կարմիր Մահիկ կազմակերպութեան, իսկ 30ը՝ հալէպահայութեան:

Հալէպահայութեան ուղղուած օժանդակութիւնը ստանձնեց ՍՇՕՎի Հալէպի Գործադիր մարմինը, ներկայութեամբ Հալէպի մօտ Հայաստանի գլխաւոր հիւպատոս Արմէն Սարգսեանի եւ Հայստանի Զինուած ուժերու ներկայացուցիչներու:

Ըստ գլխաւոր հիւպաստոսին՝ սոյն օժանդակութիւնը ոչ միայն նիւթական, այլ բարոյահոգեբանական իմաստ ունի, որովհետեւ Հայաստանի զօրակցութիւնը կ՛արտայայտէ հալէպահայութեան եւ Սուրիոյ բարեկամ ժողովուրդին, յատկապէս երկրի վերականգնումի այս փուլին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top