Արցախի Արտաքին Գերատեսչութեան Աշխատակիցները Կը Խորհրդակցին

0721artsakhministry

0721artsakhministry

ՍՏՓԱՆԱԿԵՐՏ.- 20 Յուլիսին, Արցախի Հանրապետութեան արտաքին գործոց նախարարութեան հիմնադրման 25ամեակին առիթով տեղի ունեցաւ արտաքին գործոց նախարարութեան աշխատակիցներու եւ արտերկրի մէջ մշտական ներկայացուցիչներու խորհրդակցութիւն:

Արտաքին գործոց նախարար Մասիս Մայիլեան նշեց, որ Արցախի արտաքին քաղաքական գերատեսչութիւնը՝ իբրեւ կայացած հաստատութիւն, Արցախի պետականութեան կարեւոր բաղկացուցիչներէն մէկն է: Դիւանագէտներուն վստահուած է Արցախի Հանրապետութիւնը միջազգային հարթակի վրայ ներկայացնելու եւ արտերկրի իրենց քաղաքացիներու շահերը պաշտպանելու առանցքային նշանակութիւն ունեցող առաքելութիւնը, որ կը պահանջէ առաւելագոյն կեդրոնացում եւ նուիրուածութիւն իրենց պարտականութիւններու կատարման մէջ:

Խորհրդակցութեան ընթացքին մանրամասնօրէն քննարկուեցան Արցախի Հանրապետութեան նախագահի 2017-2020 ծրագիրին մէջ նշուած հանրապետութեան արտաքին քաղաքական օրակարգի գերակայ ուղղութիւններու իրականացման ընթացքը: Մայիլեան նշեց, որ Արցախի միջազգային ճանաչման աշխարհագրութեան ընդլայնումը եւ ապակեդրոնացած համագործակցութեան զարգացումը պիտի մնան արտաքին քաղաքական գործունէութեան առանցքը, ինչպէս նաեւ  յետագայ նախագիծերու իրականացման կողմնորոշիչը: Կարեւոր ուղղութիւն է նաեւ Արցախի արտաքին տնտեսական կապերու զարգացումն ու օտարերկրեայ ներդրումներու ներգրաւումը, որ կը պահանջէ Արցախի շահագրգիռ կառոյցներու հետ համատեղ ջանքեր:

Մասիս Մայիլեան ընդգծեց, որ արտաքին քաղաքական հարցերու յաջողութեամբ իրագործումը կախեալ է նպատակաուղղուած եւ գրագէտ տեղեկատուական քաղաքականութենէն: Մայիլեան շեշտեց արտերկրի մէջ Արցախի մշտական ներկայացուցիչներու կարեւոր դերը՝ միջազգային հանրութեան արցախեան իրողութիւններուն մասին առարկայական տեղեկատուութիւն հասցնելու եւ երկրի դրական վարկանիշը ամրապնդելու գործին մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top