Սիւնիքի Նախկին Մարզպետի Որդիին Մօտ Բանակ Ծառայելու Փափաք Արթնցած Է

0807mkhitar1

 

ԵՐԵՒԱՆ, «Ազատութիւն».- Զինուորական ծառայութենէ խուսափելու յանցանքով  մեղադրուած Սիւնիքի նախկին մարզպետ Սուրիկ Խաչատրեանի որդի Տրդատ Խաչատրեան բանակ ծառայելու փափաք յայտնած է:

Նշենք, որ իրաւապահները ներկայիս քննչական գործողութիւններ կ՛իրականացնեն պարզելու համար,  թէ արդեօք նախկին մարզպետի աւագ որդին նո՞յնպէս խուսափած է բանակէն:

Քննչական կոմիտէի նախագահի խորհրդական Սոնա Տռուզեան յայտնեց, որ 24ամեայ Տիգրան Խաչատրեան այժմ Հայաստանէն դուրս կը գտնուի:

Տարբեր աղմկայարոյց պատմութիւններով յայտնի Սուրիկ Խաչատրեանի (յայտնի «Լիցկա» ծածկանունով) երկու որդիներն ալ, ըստ իրաւապահներու, խուսափած են բանակէն՝ ներկայացնելով կեղծ փաստաթուղթեր:

Տրդատ Խաչատրեան հերքեց իր դէմ եղած մեղադրանքը եւ փափաք յայտնեց երթալ բանակ՝ ծառայելու:

Ինչո՞ւ ճիշդ այս օրերուն Տրդատը որոշեց ծառայել, երբ տարիներ առաջ, իր իսկ խօսքով, հիւանդութեան պատճառով չէ ծառայած: «Իմ կարծիքով, երեւի որ տեսել է քրէական գործ է յարուցուել, երեւի մտածում է՝ աւելի լաւ է, թէկուզ հիւանդ եմ, հիւանդ չեմ, գնամ ծառայեմ, մենակ թէ էս քաշքշուկներից պրծնեմ», ըսաւ Տրդատ Խաչատուրեանի փաստաբանը՝ Արմէն Մարտիրոսեան։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

2 Comments

  1. Vram said:

    Իսկ նկարները ի՞նչ կապ ունին լուրին հետ:

*

Top