Նոր Զելանտայի Հայ Դատի Յանձնախումբը Կոչ Ուղղեց Երկրի Վարչապետին՝ Փոխելու Հայոց Ցեղասպանութեան Ճանաչման Հարցին Մէջ Կառավարութեան Դիրքորոշումը

0810newzealand

0810newzealand

Նոր Զելանտայի Հայ Դատի յանձնախումբը երկրի վարչապետ Ճասինտա Արտերնին կոչ ուղղեց՝ փոխելու Հայոց Ցեղասպանութեան ճանաչման հարցին մէջ կառավարութեան դիրքորոշումը, ինչպէս նաեւ խուսափելու նախապէս արտայայտած այն կարծիքէն, որ Հայոց Ցեղասպանութեան հարցը պէտք է լուծուի Հայաստանի եւ Թուրքիոյ միջեւ: Այս մասին կը հաղորդէ յանձնախումբի կայքը:

«Նոր Զելանտայի հայերը մտահոգ են Հայոց Ցեղասպանութեան հարցով կառավարութեան դիրքորոշումէն: Վարչապետին դիրքորոշումը այն է, որ Նոր Զելանտան պէտք չէ 1915ի դէպքերը կոչէ «ցեղասպանութիւն», եւ պէտք է այդ հարցը ձգէ երկու կողմերու քննարկման: Այդ դիրքորոշումը միայն կը նպաստէ թրքական բռնապետութեան քաղաքականութեան», կ՛ըսուի հաղորդագրութեան մէջ:

Կը նշուի նաեւ, որ Նոր Զելանտայի հայերը պիտի շարունակեն զբաղիլ երկրի խորհրդարանին կողմէ Հայոց Ցեղասպանութեան ճանաչման լոպիինկով եւ ջանքեր գործադրել՝ 1915ի դէպքերուն մասին հասարակութեան եւ երկրի կառավարութեան իրազեկութիւնը բարձրացնելու ուղղութեամբ:

Նոր Զելանտայի վարչապետ Ճասինտա Արտերն նախապէս Ուելինկթընի մէջ տրուած մամլոյ ասուլիսի մը ընթացքին յայտարարած էր, թէ իր երկիրը միշտ ճանչցած է 1915 թուականի ողբերգական դէպքերը, սակայն անհրաժեշտ է խուսափիլ այդ իրադարձութիւններուն մասին յստակ եզր (ցեղասպանութիւն, «Ա.») օգտագործելէ եւ այդ հարցը ձգել հակամարտութեան անմիջական կողմերու քննարկման:

Նախապէս հաղորդուած էր, որ Նոր Զելանտայի «Կանաչներու» կուսակցութիւնը երկրի խորհրդարանին կոչ ուղղած է՝ սկսելու Հայոց Ցեղասպանութեան ճանաչման հոլովոյթին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Mardig Madenjian said:

    Մի’ վհատիք, անպայման օր մը պիտի յաջողիք: Չմոռնալ որ Զելանտան հազարներով զոհ տուած է Կալիփոլիի մէջ թուրքերուն դէմ կռուելով:

*

Top