Հանդիպում Հայաստանի Սփիւռքի Նախարար Մխիթար Հայրապետեանի Հետ

0000WATERTOWN

 

0000WATERTOWN

ՈՒԱԹԸՐԹԱՈՒՆ, Մեսեչուսեց.- Երկուշաբթի, 6 Օգոստոս 6ի առաւօտեան, «Հայրենիք»ի շէնք այցելեց Հայաստանի սփիւռքի նախարար Մխիթար Հայրապետեան, որ աւելի քան շաբաթէ մը ի վեր ժամանած էր Միացեալ Նահանգներ, շրջելու համար քանի մը գաղթօճախներ, որոնց կարգին Լոս Անճելըս, Նիւ Եորք եւ Պոսթըն:

«Հայրենիք»ի անձնակազմին կողքին, ներկայ էին ՀՕՄի եւ ՀԵԴի ներկայացուցիչներ: Նախարար Հայրապետեանին կ՛ընկերակցէր խորհրդատու Վահէ Սահակեան (Միշիկըն), իսկ ՀՅԴ Ամերիկայի Արեւելեան շրջանի Կեդրոնական կոմիտէն կը ներկայացնէին Ճորճ Աղճայեան եւ Ժան Աւետիսեան:

Շուրջ մէկ ժամ տեւած հանդիպման ընթացքին արծարծուեցան Հայաստան-Սփիւռք յարաբերութիւններուն վերաբերեալ հարցեր:

Նախարարը յաւելեալ տեղեկութիւններ փոխանցեց կատարուելիք աշխատանքներուն մասին եւ կոչ ուղղեց անմիջական գործակցութեան:

Ան շնորհակալութիւն յայտնեց զանազան բնագաւառներէ ներս Հայաստանի ի նպաստ գործող ժողովրդական կազմակերպութիւններուն, որոնք յատկապէս տագնապալի օրերուն կը գործեն եւ իրենց անմիջական ներդրումը կը բերեն:

Հուսկ, նախարար Մխիթար Հայրապետեան այցելեց ՀՅԴի եւ Հայաստանի Ա. հանրապետութեան արխիւները:

Նշենք, թէ Շաբաթ, 4 Օգոստոսի երեկոյեան, Հայ կեդրոնին մէջ տեղի ունեցած էր հանդիպում-զրոյց, իսկ յաջորդ օրը՝ Կիրակի, 5 Օգոստոսին, նախարար Հայրապետեան այցելած էր շրջանի Սուրբ Ստեփանոս եւ Սուրբ Յակոբ եկեղեցիները, ապա մեկնած էր «Քեմփ Հայաստան» բանակավայրը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top