Յովիկ Աբրահամեան Կը Հերքէ Իր Տարածքէն Գրաւուած Զէնքին Հետ Իր Առընչութիւնը

0810hovikaprahamian

0810hovikaprahamian

ԵՐԵՒԱՆ.- Հայաստանի նախկին վարչապետ Յովիկ Աբրահամեան հերքեց իր կապը Մխչեան գիւղի նախկին վերանորոգման գործարանի տարածքէն ԱԱԾի աշխատակիցներու յայտնաբերուած ապօրինի զէնքին հետ: Այժմ կը ստուգուի խուզարկութեամբ յայտնաբերուած զէնքերու ձեռքբերման աղբիւրները եւ անոնց՝  1 եւ 2 Մարտ 2008ին գործադրուած ըլլալու հանգամանքը:

«Ես այդ զէնքի եւ տարածքի հետ որեւէ առընչութիւն չունեմ եւ տեղեակ չեմ, թէ զէնքը, որի մասին Ազգային անվտանգութեան ծառայութեան կողմից հաղորդագրութիւն տարածուեց, ինչպէս է յայտնուել այնտեղ», ըսաւ նախկին վարչապետ Յովիկ Աբրահամեան:

Աբրահամեան նաեւ հերքեց Ազգային անվտանգութեան ծառայութեան տարածած հաղորդագրութեան մէջ նշուած այն պնդումը, թէ տարածքը, ուր յայտնաբերուած է ապօրինի զէնքը, փաստօրէն կը պատկանի նախկին վարչապետ Յովիկ Աբրահամեանին:

«Այն Ամբիկ Գէորգեանին է պատկանում, ես դրա փաստացի սեփականատէրը չեմ: Ես ո՛չ այդ տարածքի, ո՛չ էլ այդ զէնքի հետ որեւէ առընչութիւն չունեմ», պնդեց Յովիկ Աբրահամեան:

Ան նաեւ հաստատեց հրապարկուած այն տեղեկատուութիւնը, թէ ինք «Մարտ 1»ի գործով կանչուած է հարցաքննութեան. «Այո, հարցաքննութիւն եղել է, բայց ես տեղեակ չեմ, թէ այդ զէնքն ինչպէս է յայտնուել այդ տարածքում»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top