Մարտ 1ի Գործով Յովիկ Աբրահամեանի Եւ Սէյրան Օհանեանի Նկատմամբ Մեղադրանք Չէ Առաջադրուած. ՅՔԾ Պետ

0810sassoun

 

0810sassoun

ԵՐԵՒԱՆ.- Մարտ 1ի գործով նախկին վարչապետ Յովիկ Աբրահամեանի նկատմամբ մեղադրանք չէ առաջադրուած: Այս մասին լրագրողներու հետ ճեպազրոյցի մը ընթացքին յայտնած է Յատուկ քննչական ծառայութեան (ՅՔԾ) պետ Սասուն Խաչատրեան՝ նշելով, որ այդ նախաքննական գաղտնիք է, երկրորդ՝ որեւէ անձի նկատմամբ մեղադրանք առաջադրուելու պարագային, այդ մասին հրապարակում տեղի կ՛ունենայ ենթակային կողմէ: Անդրադառնալով Յովիկ Աբրահամեանի եղբօր՝ ՅՔԾ պետը նշեց, թէ ան այս պահուն ունի կասկածեալի կարգավիճակ:

«Յովիկ Աբրահամեանի եղբայրը այս պահուն ունի կասկածեալի կարգավիճակ. կասկած կայ, որ ան ապօրինի զէնք պահած է», ըսաւ Սասուն Խաչատրեան: Պատասխանելով այն հարցումին, թէ Մարտ 1-2ի դէպքերուն հետ ինչ կապ կրնայ ունենալ Յովիկ Աբրահամեանի առանձնատունէն ԱԱԾի կողմէն յայտնաբերուած զէնքը՝ ՅՔԾ պետը ըսածւ. «Տեղեկութիւն կայ, դուք ալ տեղեակ էք, բազմաթիւ անգամներ խօսուած է այդ մասին, որ Մարտ 1ին, կանոնաւոր բանակէն բացի, եղած են նաեւ զինուած խումբեր. հիմա նախաքննութեամբ կը ստուգուի այդ վարկածը»:

«Սերժ Սարգսեան որեւէ կերպով պիտի ներգրաւուի՞ Մարտ 1ի գործով» հարցումին պատասխանելով՝ Սասուն Խաչատրեան ըսաւ, որ պիտի հարցաքննուին բոլոր անոնք, որոնք կրնան տեղեկութիւն ունենալ այդ գործին վերաբերեալ: «Նախաքննութիւնն է, որ պիտի որոշէ՝ մեկնելով գործի շահերէն», աւելցուցած է ան:

Սէյրան Օհանեանի նկատմամբ, որ 1 Մարտ 2008ին Հայաստանի Զինուած ուժերու գլխաւոր շտաբի պետն էր, եւս մեղադրանք չէ առաջադրուած:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top