Հայաստանի Կառավարութիւնը «Բոնվառոն» Ընկերութեան Արտօնեց «Մեղրի»ի Մէջ 195 Միլիոն Տոլարի Ներդրումային Ծրագիր Իրականացնել

0810meghri

0810meghri

ԵՐԵՒԱՆ.- Հայաստանի կառավարութեան որոշումով, «Բոնվառոն» ընկերութեան տրամադրուեցաւ «Մեղրի» ազատ տնտեսական գօտիի (ԱՏԳ) տարածքին շահագործողի արտօնութիւն՝ մշակուող արդիւնաբերութեան, առեւտուրի, համեմատական ոլորտներու մէջ գործունէութիւն ծաւալելու նպատակով: Այս մասին կը հաղորդէ «Արմէնփրէս»ը:

Տնտեսական զարգացման եւ ներդրումներու նախարար Արծուիկ Մինասեան յայտնեց, որ նախատեսուած է ծրագիրին ընթացքին արտածման տարեկան ծաւալները 1 միլիոն տոլարէն հասցնել 5.1 միլիոն տոլարի:

«Ընկերութիւնը կը նախատեսէ իրականացնել շուրջ 195 միլիոն տոլարի ներդրում. պիտի ստեղծուի 102 նոր աշխատատեղ: Արտածման ուղղութիւններն են Ռուսիա, Վրաստան, Իրան եւ այլ երկիրներ», ըսաւ Մինասեան՝ աւելցնելով, որ այս ընկերութիւնը առաջինն է, որ կը ստանայ «Մեղրի» ԱՏԳի մէջ գործունէութիւն իրականացնելու արտօնութիւն:

«Կարեւորը այն է, որ իրականացնենք համակարգում՝ հասկնալու համար, թէ ինչ դժուարութիւններու կը բախի ընկերութիւնը, որպէսզի զանոնք յետագային կարգաւորենք», իր կարգին ըսաւ վարչապետ Նիկոլ Փաշինեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top