Նիկոլ Փաշինեան՝ Ռոպերթ Քոչարեանի Գործին Եւ Լաւրովի Յայտարարութեան Մասին

0811nigol1

 

0811nigol1

ԵՐԵՒԱՆ.- Հայաստանի Տաւուշի մարզ կատարած աշխատանքային այցին ընթացքին, վարչապետ Նիկոլ Փաշինեան տեղական ինքնակառավարման մարմիններու ներկայացուցիչներուն հետ հանդիպումէն ետք լրագրողներու խնդրանքով անդրադարձաւ Հայաստանի երկրորդ նախագահ Ռոպերթ Քոչարեանի գործով վերջին զարգացումներուն եւ Սերգէյ Լաւրովի յայտարարութեան մասին:

Լրագրողները դիտել տուին, թէ Ռոպերթ Քոչարեան կը պնդէ, որ իրեն նկատմամբ քաղաքական հետապնդում կ՛իրականացուի:

«Ես կը կարծեմ, որ ճիշդ չէ այս թեմայով որեւէ մեկնաբանութիւն կատարեմ, որովհետեւ որեւէ մեկնաբանութիւն կրնայ դիտուիլ որպէս միջամտութիւն, ազդեցութիւն գործին վրայ: Ես կը կարծեմ, որ դուք բոլորդ, Հայաստանի իւրաքանչիւր քաղաքացի ունի այդ հարցումին պատասխանը», յայտնեց Նիկոլ Փաշինեան:

Վարչապետը անդրադարձաւ նաեւ լրագրողներու այն դիտարկումներուն, թէ Ռուսիոյ արտաքին գործոց նախարար Սերգէյ Լաւրով յայտնած էր, որ Հայաստանի նոր իշխանութիւնները շեղած են իրենց խոստումներէն:

«Գիտէք, ես կը կարծեմ, որ այս այլ իրավիճակ է, պէտք բոլորս այս իրավիճակին յարմարինք, ինչպէս նաեւ՝ մեր ռուս գործընկերները, այնպէս որ ամէն ինչ բնական է», ըսաւ Փաշինեան:  Պատասխանելով հարցումին, թէ արդեօք սպասուող հանրահաւաքը կապ ունի Ռուսիոյ արտաքին գործոց նախարարին յայտարարութեան հետ՝ Նիկոլ Փաշինեան ըսաւ, որ հաւաքը իր աշխատանքային 100օրերուն կը վերաբերի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top