Վարչապետին Յանձնարարութեամբ Կը Վերանայուի Ապրիլեան Գործողութիւններու Մասնակիցներուն Ցանկը

0811aprilheros

 

0811aprilheros

ԵՐԵՒԱՆ.- 9 Օգոստոսին, Հայաստանի Հանրապետութեան վարչապետ Նիկոլ Փաշինեանի խորհրդական Նիկոլայ Պաղտասարեան եւ պաշտպանութեան նախարարութեան մարդու իրաւունքներու եւ բարեկարգութեան կեդրոնի պետ Ալեքսանտր Աւետիսեան ընդունեցին զօրացրուած խումբ մը զինուորներ, որոնք կը պահանջեն զինուորական գրքոյկներուն մէջ արձանագրել՝ 2016ի ապրիլեան քառօրեայ պատերազմին իրենց մասնակցութեան փաստը:

Հանդիպումին մասնակցողներուն ներկայացուեցան Ապրիլ 2016ին տեղի ունեցած պատերազմին առընչուող իրաւական դրոյթները, զինուորական գր-քոյկներուն մէջ պատերազմին մասնակցութիւնը հաստատող արձանագրութիւններուն կարգը:

Զօրացրուած զինուորները, իրենց կարգին ներկայացուցին հիմնաւորումները՝ ըստ որոնց, իրենք որոշ մասնակցութիւն ունեցած են ապրիլեան քառօրեայ գործողութիւններուն, մինչդեռ զինուորական գրքոյկներուն մէջ որեւէ արձանագրութիւն չէ պահուած այդ մասին:

Նիկոլայ Պաղտասարեան տեղեկացուց, որ վարչապետին յանձնարարութեամբ յառաջիկային պիտի ուսումնասիրուին ապրիլեան մարտական գործողութիւններուն մէջ ներգրաւուած ստորաբաժանումներու փաստաթուղթերը, յատկապէս պիտի վերանայուի մասնակցողներուն ցանկը, որուն շնորհիւ ալ ուշադրութեան պիտի արժանանան զօրացրուած երիտասարդներուն առաջարկները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top