Նիկոլ Փաշինեանի Հրաւիրած Հաւաքին Արցախէն Եւս Պիտի Մասնակցին

0811artsakh

0811artsakh

Արցախի մէջ գործող «Յանուն Արցախի» երիտասարդական հասարակական կազմակերպութիւնը կը յայտնէ, որ Արցախէն եւս պիտի մասնակցին վարչապետութեան 100 օրուան առիթով Հայաստանի վարչապետ Նիկոլ Փաշինեանի՝ 17 Օգոստոսին հրաւիրած ժողովրդային հաւաքին:

«Այսօր, աւելի քան երբեք, հայ ժողովուրդը միասնական է եւ Մայր Հայրենիքին մէջ սկսած քաղաքական դէպքերուն հետ կը կապէ իր լուսաւոր ապագան:

Այս շրջագիծին մէջ, մեր համոզումով, Արցախը չի կրնար անմասն մնալ այդ գործընթացներէն, յատկապէս որ վերջին փոփոխութիւնները, կարծէք թէ, բախտորոշ շրջադարձ կ՛ուրուագծեն նաեւ բանակցային գործընթացին համար: Առնե՛նք մեր քայլը», կ՛ըսուի կազմակերպութեան յայտարարութեան մեջ:

«Յանուն Արցախի» երիտասարդական հասարակական կազմակերպութիւնը կը յայտնէ նաեւ, որ միջոցներ կը հայթայթէ Երեւան քաղաքին մէջ հանրահաւաքին ներկայ գտնուիլ փափաքող բոլոր երիտասարդներուն մասնակցութեան ծախսերը հոգալու համար:

Յիշեցնենք, որ Հայաստանի վարչապետ Նիկոլ Փաշինեան 17 Օգոստոսին, երեկոյեան ժամը 6:30ին, Երեւանի Հանրապետութեան հրապարակին վրայ ժողովուրդը հրաւիրած է հաւաքի՝ ներկայացնելու իր 100օրեայ պաշտօնավարման արդիւնքները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top