Արցախի Մէջ 3 «Արմաթ» Ճարտարագիտական Տարրալուծարան Պիտի Բացուի

0811armat

0811armat

ՍՏԵՓԱՆԱԿԵՐՏ.- Այս տարուան Սեպտեմբերին, Մարտակերտի շրջանի Ծմակահողի, Ասկերանի եւ Քաշաթաղի շրջանի Իշխանաձոր համայնքի դպրոցներուն մէջ պիտի բացուին եւս 3 «Արմաթ» ճարտարագիտական տարրալուծարաններ, այսպիսով Արցախը պիտի ունենայ 13 տարրալուծարան:

Այս  մասին, ըստ «Արցախփրէս»ի, կը յայտնէ տեղեկատուական ճարտարագիտութիւններու ձեռնարկութիւններու միութեան (ՏՃՁՄ) գործադիր տնօրէն Կարէն Վարդանեան՝ նշելով, որ իրենց նպատակն է Հայաստանը եւ Արցախը դարձնել բարձր ճարտարագիտութիւններու կեդրոններ:

Ըստ վերջինիս՝ տեղեկատուական ճարտարագիտութիւններու ոլորտի մասնագէտներու արտաքին պահանջարկը շատ մեծ է, եւ իրենք կը փորձեն պատրաստել այնպիսի մասնագէտներ, որոնք պիտի ունենան աշխատանք եւ իրենց գործով օգտակար պիտի ըլլան հայրենի երկրի զարգացման ու շէնացման:

«Մենք կը պատրաստենք երեխաներ, որոնք յետագայի պիտի մտածեն իրենց գործարար ծրագիրներով աշխատանքի համաշխարհային շուկայ մտնելու մասին: Յառաջիկային, Մեքսիքոյի մէջ պիտի իրականացուի համաշխարհային ռոպոթաշինութեան մրցում, որուն ամբողջ աշխարհէն պիտի մասնակցին 160 խումբեր: Չորս մասնակիցներ ալ որոշած ենք մենք ուղարկել: Յոյսով ենք, որ անոնք պիտի արձանագրեն լաւ արդիւնքներ՝ բարձր պահելով Հայաստանի պատիւը», յայտնեց Կ. Վարդանեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top