«Քոչարեանի Հետ Համագործակցութեան Ոչ Որոշում Ունենք, Ոչ Էլ Օրակարգ»

0816hrant

 

0816hrant

«ԱԶԱՏՈՒԹԵԱՆ» ԶՐՈՅՑԸ ՀՅԴ ԲԻՒՐՈՅԻ ՆԵՐԿԱՅԱՑՈՒՑԻՉ ՀՐԱՆԴ ՄԱՐԳԱՐԵԱՆԻ ՀԵՏ

 

ՀՅԴ Բիւրոյի ներկայացուցիչ Հրանդ Մարգարեան «Ազատութիւն» կայանին հետ ունեցաւ զրոյց մը, որուն ամփոփ սղագրութիւնը կը ներկայացնենք ստորեւ.

 

«ԱԶԱՏՈՒԹԻՒՆ».- Խօսւում է, որ Ռոբերտ Քոչարեանը մտադիր է վերադառնալ ակտիւ քաղաքականութիւն: ՀՅԴն մտադի՞ր է համագործակցել Քոչարեանի հետ:

ՀՐԱՆԴ ՄԱՐԳԱՐԵԱՆ.- Մենք բոլոր ուժերի հետ էլ մտադիր ենք գործակցել:

 

«ԱԶԱՏՈՒԹԻՒՆ».- Այդ թւում Քոչարեանի՞:

ՀՐԱՆԴ ՄԱՐԳԱՐԵԱՆ.- Բոլորի հետ, բոլոր հայերի հետ մենք պատրաստ ենք համագործակցութեան, բայց յատուկ Քոչարեանի հետ համագործակցութեան ոչ որոշում ունենք, ոչ էլ օրակարգ:

 

«ԱԶԱՏՈՒԹԻՒՆ».- Փաստօրէն դուք չէք բացառո՞ւմ Ռոբերտ Քոչարեանի հետ համագործակցութիւնը եւ մտադի՞ր էք համագործակցել:

ՀՐԱՆԴ ՄԱՐԳԱՐԵԱՆ.- Ինչո՞ւ պէտք է բացառեմ: Ես ո՛չ մտադիր եմ, ո՛չ բացառում եմ:

 

«ԱԶԱՏՈՒԹԻՒՆ».- Եղե՞լ է նման առաջարկ:

ՀՐԱՆԴ ՄԱՐԳԱՐԵԱՆ.- Ոչ:

 

«ԱԶԱՏՈՒԹԻՒՆ».- Իսկ Դուք սպասո՞ւմ էք, որ նա կը վերադառնայ ակտիւ քաղաքականութիւն:

ՀՐԱՆԴ ՄԱՐԳԱՐԵԱՆ.- Իր անելիքն է, ես իսկապէս չգիտեմ:

 

«ԱԶԱՏՈՒԹԻՒՆ».- Հաշուի առնելով 2008 թուականի Մարտի 1ի դէպքերը, դուք հնարաւոր համարո՞ւմ էք Ռոբերտ Քոչարեանի հետ համագործակցութիւնը:

ՀՐԱՆԴ ՄԱՐԳԱՐԵԱՆ.- Ես «Մարտի 1»ի իրադարձութիւնների մասին սեփական դատողութիւն չունեմ, ես գիտեմ, որ դէպքը պատահեց այդ ժամանակ բոլորի մեղքով, եւ այդ 8-10 զոհերը, անկախ, թէ ով է կրակել նրանց վրայ, մեղքը բոլորի վզին է՝ Լեւոն Տէր Պետրոսեանի վզին էլ է փաթաթուած, Ռոբերտի վզին էլ է փաթաթուած: Դա այդպէս պէտք է նայել, կարեւոր չի, թէ ով է կրակել, կարեւորը, թէ երեւոյթը ով է ստեղծել: Ո՞վ ստեղծեց այդ երեւոյթը: Բոլորը միասին ստեղծեցին: Մենք այն ժամանակ էլ զգուշացրել էինք՝ թէ՛ ընդդիմութեանը, թէ՛ Ռոբերտ Քոչարեանին, որ էս ճանապարհով մի գնացէք, սա վտանգաւոր է, մեզ չեն լսել: Մենք դէմ ենք եղել դրան եւ մտահոգ ենք եղել, կեցուածք ենք ունեցել եւ կեցուածքն էլ արտայայտել ենք, կեցուածքի համար էլ ճիգ ենք թափել, փորձել ենք որ մեղմենք, չենք յաջողել: Եթէ մենք դա տեսնում էինք, իրենք էլ էին տեսնում, իրենք գիտակցաբար էին գնում դրան եւ գնացին ու ստացան էն, ինչ ստացան: Ես ասում եմ ամենամեծ փաստը, որ 2008 թուականը դաս է եղել, որ 2018ի էլ բարիկադներ չսարքեցինք, մահակներ չսարքեցինք, այլ ասեցինք՝ ձեռքերս վեր, «Ձեռքերս վեր» շարժում ստեղծեցինք, ասացինք մենք բռնութեամբ չենք պատասխանելու եւ իշխանութիւնը չկարողացաւ ուրիշ բան անել, բացի յանձնուել:

Հարցազրոյցի ամբողջական սղագրութիւնը կը ներկայացնեն մեր վաղուան թիւով:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top