Հայաստանի Մէջ Նոր Կուսակցութիւն Կը Հիմնուի

0816shirinian

 

0816shirinian

«Նոր կուսակցութիւն հիմնելու գաղափարը բազմաթիւ քննարկումներու արդիւնք է: Նախապէս երբեք կուսակցութիւն հիմնելու տրամադրութիւն չեմ ունեցած, սակայն գաղափարակից ընկերներով եկանք այն եզրակացութեան, որ պէտք է նման գործի սկսինք», ըստ «Փանորամա»ի, Չորեքշաբթի, 15 Օգոստոսին տեղի ունեցած մամլոյ ասուլիսին ընթացքին յայտնեց Հայաստանի քրիստոնէա-ժողովրդավարական կուսակցութեան նախաձեռնող խումբի անդամ, քաղաքագէտ Լեւոն Շիրինեան:

«Մենք կը կարծենք, որ թաւշեայ յեղափոխութեան արդիւնքները անպայմանօրէն պէտք է արդիւնաւորուին: Երկրորդ, թաւշեայ յեղափոխութեան հռչակած նպատակները պէտք է դառնան ուղենիշային մեր պետականութեան համար: Մենք յստակ կերպով կը կանգնինք Հայաստանի անկախութեան եւ ազգային  պետականութեան կերտման տեսակէտի կողքին: Չորրորդ հանրապետութիւնը իրական Հայաստանի վերածնունդը պիտի ըլլայ:

Մեր մօտ կար վիճակ մը, երբ չունենալով լաւ քաղաքական-գաղափարական կառոյցներ՝ գացինք դէպի վարչապետութիւն, ինչ որ կուսակցական համակարգի չկայանալու պարագային շատ վտանգաւոր է: Որոշած ենք զբաղեցնել խորհրդարանական քաղաքական համակարգի աջ-կեդրոն վ տեղը», ըսաւ Շիրինեան՝ աւելցնելով, որ իրենց տեսակէտը բաժնող իւրաքանչիւր անձ կրնայ  համալրել ստեղծուելիք կուսակցութեան շարքերը:

Ըստ անոր, իրենք որոշած են երթալ նոր լոյսի՝ քրիստոնէութեան լոյսին տակ աւանդոյթներու վերականգնման ճանապարհով: Հայաստան սակաւապետական երկիր պէտք չէ ըլլայ, սակաւապետութիւնը պէտք է ոչնչացուի:

«Պիտի գործենք երկու սկզբունքի հիման վրայ՝ քաղաքական համաձայնութիւն Ազգային ժողովի բոլոր ուժերուն հետ եւ ընկերային գործընկերութիւն», շեշտեց քաղաքագէտը

Նախաձեռնող խումբի անդամ, իրաւագիտութեան թեկնածու Վարդան Այվազեան, իր հերթին նկատել տուաւ, որ ստեղծուելիք կուսակցութիւնը որակապէս նոր քաղաքական ուժ պիտի ըլլայ:

«Երբեք պետութեան կամ քաղաքական իշխանութեան մակարդակով հարց չէ դրուած ապահովելու պետականութեան որակականութիւնը: Այս խնդիրը չդնելու պարագային չէ դրուած նաեւ կուսակցութիւններու որակականութեան խնդիրը, եւ որպէս հետեւանք ունեցած ենք այնպիսի իրավիճակ, երբ քաղաքական կուսակցութիւնները ծառայած են ոչ թէ պետութեան շահերուն, այլ եղած են առանձին անձերու շահերը սպասարկող կեդրոններ:

«Խօսելով պետութեան եւ հասարակութեան մասին՝ ըսենք, որ անոնք պէտք չէ դուրս գան իրենց էութեան շրջանակներէն: Այս է մեր հիմնական հարցը: Մեր կուսակցութիւնը նպատակ չի հետապնդեր գլխաքանակով ապահովել իր ազդեցութիւնը: Մեր կուսակցութեան մէջ մենք կը դնենք որակականութեան չափանիշը», ըսաւ Այվազեան՝ աւելցնելով, որ իրենք հասարակութեան սին խոստումներ պիտի չտան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top