Դոկտ. Ումիթ Քիւրթ Կը Նշանակուի Ֆրեզնոյի Հայագիտականին «Գազան» Հիմնարկի Այցելու Դասախօս

0000Umit Kurt 2018

0000Umit Kurt 2018ՖՐԵԶՆՕ.- Շնորհիւ Հենրի Գազանճեան-Գազան հիմնարկին հաստատած հիմնադրամին, Քալիֆորնիոյ նահանգային համալսարանի Ֆրեզնոյի մասնաճիւղին մէջ գործող Հայագիտական ծրագիրը հիւր դասախօսներ կը հրաւիրէ, իւրայատուկ դասախօսութիւններու հետեւելու առիթը ընծայելով համալսարանի ուսանողներուն։

Հայագիտական ուսմանց ծրագիրի համակարգող՝ փրոֆ. Պարլօ Տէր Մկրտիչեան կը հաղորդէ, թէ 2018-2019 համալսարանական տարեշրջանի աշնանային կիսամեակին, Հենրի Ք. Գազանճեան Գազանի այցելու դասախօսը պիտի ըլլայ դոկտ. Ումիթ Քիւրթ, որ ուսումնասիրած է Օսմանեան կայսրութեան ընթացքին հայերէն բռնագրաւուած կալուածներու ծալքերը եւ մասնագիտացած է յատկապէս Հայոց Ցեղասպանութեան, զանգուածային բռնարարքներու, հարստութեանց փոխանցումներու, տեղական վերնախաւերու, թուրք ազգայնականութեան եւ Այնթապի հայութեան պատմութեան մարզերուն մէջ։

Դոկտ. Քիւրթ, որ կը հանդիսանայ 15րդ Հենրի Ք. Գազանճեան Գազանի այցելու դասախօսը,  երեք վարկանիշ արժող դասանիւթ մը պիտի մատուցէ Հայոց Ցեղասպանութեան մասին, զայն բաղդատելով Հրէական Ողջակիզումին եւ Ռուանտայի ցեղասպանութեան հետ, միաժամանակ արծարծելով ցեղասպանութեան կանխարգիլման կարելիութիւնները։

Ան Ֆրեզնօ իր կեցութեան ընթացքին նաեւ պիտի ներկայացնէ երեք հրապարակային դասախօսութիւններ, որոնցմէ առաջինը տեղի պիտի ունենայ Սեպտեմբեր 21ին, Ճեմալ փաշայի մասին:

Դոկտ. Քիւրթ 2016ին դոկտորի կոչում ստացած է «Քլարք» համալսարանէն եւ հեղինակն ու համահեղինակն է շարք մը ուսումնասիրական յօդուածներու եւ հատորներու, ինչպէս նաեւ խմբագրած է մասնագիտական թերթեր։

Հայագիտականին մասին յաւելեալ տեղեկութեանց համար, դիմել (559) 278-2669 թիւին կամ այցելել www.fresnostate.edu/armenianstudies կայքէջը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top