Հայաստանի Երկու Ներկայացուցիչները Դուրս Մնացին «Եուրոփա» Մրցաշարքէն

0818pyunik

Պահ մը «Մաքապի»-«Փիւնիկ» մրցումէն

ԵՐԵՒԱՆ, «Նիուզ».- Հինգշաբթի, 16 Օգոտոսին, եւորապական ֆութպոլի ակումբներու «Եուրոփա» մրցաշարքի զտումի Գ. հանգրուանի դարձի մրցումները անյաջող էին Հայաստանի երկու ներկայացուցիչներուն համար։

Արդարեւ, Երեւանի «Ալաշկերտ» եւ «Փիւնիկ» խումբերը իրենց դաշտերէն դուրս պարտութիւններ կրելով՝ դուրս մնացին մրցաշարքէն:

Հայաստանի ախոյեան «Ալաշկերտ»ը, որ Ռումանիոյ մէջ հիւրը եղաւ «Քլիւժ»ին, 5-0 արդիւնքով ծանր պարտութիւն մը կրելով՝ դուրս մնաց մրցաշարքէն: Գ. հանգրուանին, հայկական կազմը ոչ մէկ կօլ նշանակեց՝ նկատի ունենալով, որ երթ մրցումին եւս 0-2 արդիւնքով պարտութիւն մը կրած էր:

Հայկական երկրորդ խումբը, որ բաւական մօտ էր յաջորդ հանգրուան հասնելու, 2-1 արդիւնքով պարտութիւն մը կրելով Թել Աւիւի «Մաքապի»էն, իր կարգին դուրս մնաց։ Անիկա երթի մրցումին սպիտակ հաւասարութիւն մը արձանագրած էր (0-0):

«Փիւնիկ»ը մրցումին մինչեւ 55րդ վայրկեանը կը յառաջանար 1-0 արդիւնքով, սակայն չկրցաւ պահպանել առաւելութիւնը, կօլեր ստանալով 56րդ եւ 68րդ վայրկեաններուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top