Առաւել Քան 1000 Արցախցիներ Մեկնեցան Երեւան՝ Մասնակցելու Փաշինեանի Հրաւիրած Հանրահաւաքին

0818artsakh

 

0818artsakh

 

Երէկ՝ 17 Օգոստոսին, առաւել՝ քան 1000 անձեր Արցախէն մեկնեցան Երեւան՝ մասնակցելու Հայաստանի վարչապետ Նիկոլ Փաշինեանի հրաւիրած հանրահաւաքին:

Այս մասին՝ ըստ «Արցախփրէս»ի, յայտնեց «Յանուն Արցախի» երիտասարդական-հասարակական կազմակերպութեան նախագահ Գոռ Բալասանեան՝ մանրամասնելով, որ նախաձեռնութիւնը կը պատկանի իրենց կազմակերպութեան, որուն աջակցեցաւ «Ազատ Հայրենիք» կուսակցութեան երիտասարդական թեւը:

«Հանրահաւաքին կը մասնակցին երիտասարդներ Արցախի տարբեր շրջաններէն: Մեր նպատակն է Հայաստան-Արցախ-Սփիւռք կապը պահպանել եւ ամրապնդել», նշեց Բալասանեան:

Յիշեցնենք, որ վարչապետ Նիկոլ Փաշինեան 17 Օգոստոսին, երեկոյեան ժամը 6:30ին, Երեւանի Հանրապետութեան հրապարակին վրայ հանրահաւաք հրաւիրեց՝ ներկայացնելու համար իր 100օրեայ պաշտօնավարման արդիւնքները:

0818artsakh1

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top