Արծուիկ Մինասեան Կը Հանդիպի Իրանի Խորհրդարանի Անդամներու Հետ

0901ardzvik

0901ardzvik

ԵՐԵՒԱՆ.- Տնտեսական զարգացման եւ ներդրումներու նախարար Արծուիկ Մինասեան Ուրբաթ, 31 Օգոստոսին հանդիպեցաւ Իրանի Իսլամական Հանրապետութեան խորհրդարանի (Մէջլիս) Իրան-Հայաստան պատգամաւորական բարեկամական խումբի անդամներուն հետ:

Հանդիպումը տեղի ունեցաւ Հայաստանի մօտ Իրանի արտակարգ եւ լիազօր դեսպան Սէյետ Քազեմ Սաճատիիի նախաձեռնութեամբ եւ մասնակցութեամբ:

Հանդիպման ընթացքին նախարարը նշեց, որ հայ-իրանեան տնտեսական յարաբերութիւնները քաղաքականի մակարդակին հասցնելու մեծ ներուժ կայ եւ իրանցի խորհրդարանականներու հետ հանդիպումը հաստատապէս պիտի նպաստէ կարգ մը հարցերու լուծման:

Իրան-Հայաստան բարեկամական խմուբի ղեկավար Ռամազան Ալի Սոպհանիֆար խօսեցաւ իրանցի գործարարներու համար հետաքրքրութիւն ներկայացնող շարք մը հարցերու մասին:

Հանդիպման ընթացքաին քննարկուեցան մասնաւորապէս Մեղրիի ազատ տնտեսական գօտիի լիարժէք գործարկման, ուժանիւթի, զբօսաշրջութեան, բեռնափոխադրութիւններու, ներդրումներու խթանման եւ շարք մը այլ ոլորտներու վերաբերող հարցեր:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top