Եպիսկոպոսական Ս. Պատարագ, Սարկաւագական Ձեռնադրութիւն Եւ Մատաղօրհնէք Խաչվերացի Տօնին Առիթով

0000Cross-Basil

 

0000Cross-Basil

ՄՈՆԹԵՊԵԼԼՕ.- Կիրակի, 16 Սեպտեմբերին, Հայց. առաքելական եկեղեցին պիտի նշէ Խաչվերացի տօնը, որ նաեւ անուանակոչութեան տօնն է Մոնթեպելլոյի Ս. Խաչ Մայր տաճարին:

Այս առիթով, Արեւմտեան թեմի առաջնորդ Մուշեղ արք. Մարտիրոսեան Ս. պատարագ պիտի մատուցանէ եւ իր պատգամը պիտի փոխանցէ Ս. Խաչ Մայր տաճարին մէջ: Պատարագին ընթացքին, առաջնորդ սրբազանը սարկաւագական ձեռնադրութիւն պիտի կատարէ՝ սարկաւագութեան կարգ շնորհելով Ս. Խաչ Մայր տաճարի դպրապետ Նորայր Դերձակեանին:

Յաւարտ Ս. պատարագի, առաջնորդ սրբազանը եկեղեցւոյ կից «Բաղրամեան» սրահին մէջ պիտի կատարէ մատաղի օրհնութիւն, ապա տեղի պիտի ունենայ հաւաքական սիրոյ ճաշ, հիւրընկալութեամբ՝ եկեղեցւոյ տիկնանց միութեան:

Նոյն օրը, Ֆրեզնոյի Ս. Երրորդութիւն Մայր եկեղեցւոյ մէջ, առաջնորդական փոխանորդ Թորգոմ եպս. Տօնոյեան պիտի մատուցանէ իր անդրանիկ Ս. պատարագը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top