Նոր Ջուղայի Զարթօնք Միութեան Ներկայացուցիչները Ազգ. Առաջնորդարան Կ՛այցելեն

0000New Julfa Zartonk1

 

0000New Julfa Zartonk1

ԼԱ ՔՐԵՍԵՆԹԱ.- Երեքշաբթի, 11 Սեպտեմբերին, Արեւմտեան թեմի առաջնորդ Մուշեղ արք. Մարտիրոսեան ընդունեց Նոր Ջուղայի Բարեկամներ յանձնախումբի ներկայացուցիչներուն այցելութիւնը։ Առաջնորդ սրբազանին կողքին էր Նարեկ Ա. քհնյ. Փեհլիվանեան։

Նշենք, որ այս յանձնախումբը աւելի քան տասնամեակէ մը ի վեր կը գործէ Ազգային առաջնորդարանի հովանիին տակ, իբրեւ գլխաւոր առաքելութիւն ունենալով պահպանել հայկական մշակոյթն ու Նոր Ջուղայի դարաւոր աւանդները եւ զօրակցիլ Իսֆահանի Հայոց թեմին։

Սրբազանը ողջունեց հիւրերը, գնահատեց իրենց նուիրեալ ծառայութիւնն ու Ազգ. առաջանորդարանի հովանիին տակ իրենց հաւատարիմ գործունէութիւնը։ Ներկայացուցիչները շնորհակալութիւն յայտնեցին առաջնորդին ու Ազգային վարչութեան հոգածութեան համար, եւ ընդհանուր գիծերու մէջ տեղեկութիւններ փոխանցեցին յանձնախումբի աշխատանքներուն եւ ծրագիրներուն մասին, ի մասնաւորի յայտնելով, թէ յանձնախումբը արդէն միութեան վերածուած է եւ այսուհետեւ կը կոչուի՝ Նոր Ջուղայի Զարթօնք միութիւն. անիկա արդէն իսկ արձանգրուած է պետութեան մօտ։

Սրբազանը անգամ մը եւս գնահատեց միութեան անդամներուն նուիրեալ ծառայութիւնը՝ վերահաստատելով Ազգ. առաջնորդարանին զօրակցութիւնն ու հոգածութիւնը, եւ յաջողութիւն մաղթեց անոնց ապագայի բոլոր ծրագիրներուն։

0000New Julfa Zartonk1

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top