Աշխարհի Ամենայարմարաւէտ Քաղաքները

ԼՈՆՏՈՆ.- Բրիտանական «Իքոնոմիսթ» թերթը հրապարակեց ցանկը այն քաղաքներուն, որոնք աշխարհի մէջ ապրելու համար ամէնէն յարմարաւէտ վայրերը կը համարուին։

Առաջին դիրքին վրայ է Աւստրիոյ մայրաքաղաք Վիեննան. անոր կը յաջորդեն Աւստրալիոյ Մելպուռն ու Ճափոնի Օսաքա քաղաքները։ Ցանկի առաջին տասնեակին մէջ տեղ գտած են Գանատայի Քալկըրի, Աւստրալիոյ Սիտնի, Գանատայի Վենքուվըր, Ճափոնի Թոքիօ, Գանատայի Թորոնթօ, ինչպէս նաեւ Դանիոյ Քոփենհակըն եւ Աւստրալիոյ Ատըլէյտա քաղաքները։ Ցանկին վրայ վերջին դիրքը կը գրաւէ Սուրիոյ մայրաքաղաք Դամասկոսը։

Ցանկը կազմուած է՝ հիմնուած շարք մը ցուցանիշներու վրայ, ներառեալ՝ առողջապահութիւնը, մշակութային զարգացման աստիճանը, կենսոլորտի մաքրութիւնը ու ենթակառոյցներու զարգացման մակարդակը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top