Ամերիկայի Ընտանիքներուն Միջին Եկամուտի Աճը Կը Դանդաղի

 

ՈՒԱՇԻՆԿԹԸՆ, «Էյ.Փի.».- Միացեալ Նահանգներու վիճակագրութեան գրասենեակի տուեալներուն համաձայն՝ 2017ին երկրի ընտանիքներուն միջին եկամուտը միայն 1.8 տոկոսվ աճած է՝ 2016ի 60,309 տոլարէն հասնելով 61,372 տոլարի։

2015ին, այդ աճը 5.1 առ հարիւր եղած էր, իսկ 2016ին՝ 3.1 տոկոս։

Միաժամանակ, հարուստներուն եւ միջին դասակարգին միջեւ վիհը շարունակած է խորանալ, եւ երկրին ամենահարուստ 5 տոկոսին եկամուտը՝ ամբողջ երկրի միջինին 3.9 անգամը եղած է։ 2007ին այդ համեմատութիւնը 3.7 անգամ էր։

Նաեւ, չքաւոր կը նկատուին մօտաւորապէս 40 միլիոն ամերիկացիներ, հակառակ անոր որ անոնց համեմատութիւնը 2016ի 12.7էն իջած է 12.3 տոկոսի։

Կանանց եւ տղամարդոց միջեւ եկամուտի անհաւասարութիւնը անփոփոխ մնացած է. համահաւասար աշխատանքի մը համար, կինը տղամարդուն ստացած իւրաքանչիւր տոլարին դիմաց կը ստանայ միայն 80.5 սենթ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top