Այլախոհ Գրող Ահմետ Ալթան Ցեղասպանութեան Մասին Վէպ Պիտի Գրէ Բանտին Մէջ

0913ALtan

0913ALtan

ՊՈԼԻՍ, «Մարմարա».- «Փապլիշըրզ Ուիքլի»ի համաձայն՝ այլախոհ թուրք լրագրող ու հեղինակ Ահմետ Ալթան, որ ներկայիս բանտարկուած է 2016ի զինուորական հարուածի փորձին մասնակցելու մեղադրանքով, կը շարունակէ աշխատիլ իր «Օսմանեան Քառեակ» վիպաշարին վրայ, որուն 4րդ եւ ցարդ անվերնագիր հատորը նուիրուած է Հայոց Ցեղասպանութեան եւ Կալիփոլիի ճակատամարտին։

Ալթան արդէն իսկ յայտնի է Ցեղասպանութեան մասին հրապարակային իր ելոյթներով։

Պատասխանելով այն հարցումին, թէ ինչո՛ւ անհրաժեշտ նկատած է Հայոց Ցեղասպանութեան անդրադառնալ գեղարուեստական գրականութեամբ՝ գրողը հետեւ-եալը պատասխանած է. «Կը կարծեմ, որ պատմութեան մութ ու արիւնոտ երեսին լաւագոյն նկարագիրը կարելի է գտնել գրականութեա՛ն մէջ։ Գրականութիւնը ո՛չ միայն իրականութիւնը կը յայտնէ, այլեւ մեզի թոյլ կու տայ զգացական կապ ստեղծել պատմութեան ընթացքին կատարուածներուն եւ անոնց հետքերուն հետ։ Կարդալ զգացումները կնոջ մը, որ կը տեսնէ, թէ ինչպէ՛ս կը սպաննեն իր զաւակը՝ աւելի ամբողջական զգացումներ կը փոխանցէ, քան փաստացի պնդումը, թէ 1 միլիոն մարդ սպաննուած է»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top