Փոքրամասնութիւններուն Հետ Ծանօթացման Աշխատանոցներ Թուրքիոյ Մէջ

ՊՈԼԻՍ, «Մարմարա».- Թուրքիոյ մէջ գործող Յունական հիմնարկութիւններու միութեան կողմէ քանի մը ամիս առաջ պատրաստուած էր «Հասարակաց ապագայի համար՝ քով-քովի» խորագրեալ ծրագիրը, որ ցարդ կը շարունակէ «շրջիլ» Թուրքիոյ մէջ։ Սոյն ծրագիրին ծիրէն ներս, համալսարանական երիտասարդներու համար մշակուած է «Ո՛չ թէ ներկայացում, այլ ծանօթութիւն» կարգախօսով աշխատանոց մը, որ գործադրութեան դրուեցաւ Այնթապի երիտասարդութեան ու կրթութեան կեդրոնին մէջ, ուր հայ, յոյն, հրեայ եւ ասորի համայնքներու երիտասարդ ներկայացուցիչներ մէկտեղուեցան՝ համալսարանի ուսանողներու եւ ընկերային պատասխանատութիւններու ծրագիրի կամաւորներու հետ։

Աշխատանոցի աւարտին, մասնակիցները իրենց տպաւորութիւնները բաժնեցին իրարու՝ նշելով, որ աւելի մօտէն տեղեկութիւններ կրցան ստանալ փոքրամասնութիւններու մասին, ճանչցան զանոնք ու մտան փոքրամասնութիւններու վիճակին մէջ՝ շրջանցելով նախապաշարումները եւ կաղապարեալ տեսակէտները։

Աշխատանոցը պիտի շարունակէ շրջիլ այլ քաղաքներ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top