Թրքական Լիրային Անկումը Զսպելու Համար Վարկային Տոկոսը 6.25 Առ Հարիւրով Կը Բարձրանայ

0822turk germ

 

0822turk germ

ՊՈԼԻՍ, «Պլումպըրկ», «Մարմարա».- Սեպտեմբեր 13ին, Թուրքիոյ Կեդրոնական դրամատունը, վերջին 15 տարիներու ցուցանիշով, մեծագոյն համեմատութեամբ բարձրացուց վարկերու նուազագոյն տոկոսը՝ զայն հասցնելով 24 առ հարիւրի, նախկին 17.75 տոկոսին փոխարէն։

Այս քայլը կրցաւ այս տարի աւելի քան 40 տոկոսով արժեզրկուած թրքական լիրային նկատմամբ առնուազն ժամանակաւոր վստահութիւն ապահովել եւ անոր արժէքը գրեթէ 6 տոկոսով բարելաւել։

Հակառակ շուկաներէն եկած առնուազն 3-4 տոկոսի աճի մը պահանջներուն, դրամատունը ցարդ նման քայլի մը չէր դիմած, գլխաւորաբար՝ որովհետեւ նախագահ Ռեչեփ Թայիփ Էրտողան դէմ էր նման ոստումի մը։

Տոլարի արժէքին աննախընթաց բարձրացումը կեանքի պայմանները տակնուվրայ ըրած է Թուրքիոյ մէջ, ինչ որ ծանր հարուած մը հասցուցած է Թուրքիոյ տնտեսութեան։

Դրամատան այս քայլէն ժամեր առաջ, պետական պաշտօնաթերթին մէջ յայտարարուած էր, որ այսուհետեւ պիտի արգիլուի շարժուն ու անշարժ կալուածներու գործողութիւնները կատարել տոլարով կամ այլ օտար դրամա-նիշներով։ Նախագահ Էրտողանի ստորագրութեամբ հրատարակուած նոր որոշումին համաձայն՝ այսուհետեւ բոլոր գործառքները պէտք է կատարուին թրքական լիրայով, իսկ նախապէս ստորագրուած համաձայնագիրները, բացի պետութեան կողմէ ճշդուած բացառութիւններէն՝ յառաջիկայ 30 օրերուն ընթացքին պիտի փոխուին ու դառնան թրքական լիրայի հիման վրայ ստորագրուած համաձայնագիրներ։

Էրտողան, որ թրքական լիրային արժեզրկումը կը նկատէ Արեւմտեան աշխարհի «մութ ուժեր»ուն կողմէ Թուրքիոյ դէմ դարբնուած խաղերէն մէկը, նախ քաղաքացիներէն պահանջած էր, որ թրքական լիրայի վերածեն «բարձի տակ պահուած տոլարներն ու ոսկիները»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top