Հարիրի Ռուս Դեսպանին Հետ Քննեց Սուրիացի Գաղթականներու Հարցը

0915Hariri_Zasipkin

0915Hariri_Zasipkin

ՊԷՅՐՈՒԹ, «Ազդակ».- Լիբանանի վարչապետ Սաատ Հարիրի Սեպտեմբեր 13ին, իր բնակարանին մէջ ընդունեց Լիբանանի մօտ Ռուսիոյ դեսպան Ալեքսանտր Զասիփքինի այցելութիւնը, քննարկելով համաշխարհային ու շրջանային իրադարձութիւնները եւ լիբանանեան-ռուսական երկկողմանի յարաբերութիւնները:

Ռուս դեսպանը ընդգծեց Մոսկուայի զօրակցութիւնը՝ ազգային միասնականութեան կառավարութիւն կազմելու նպատակով վարչապետ Հարիրիի եւ նախագահ Միշել Աունի ի գործ դրած ճիգերուն:

Զասիփքի հաստատեց, որ վարչապետ Հարիրիի հետ քննած է սուրիացի գաղթականներու տունդարձին վերաբերող հարցեր, եւ այս շրջագիծին մէջ Հարիրի իրեն ներկայացուց լիբանանեան-ռուսական միացեալ յանձնախումբին մաս կազմող լիբանանցիներուն անունները:

Նշենք, որ վարչապետ Հարիրի Զասիփքինի հետ հանդիպումէն ետք, լրագրողներու հետ զրոյցի մը ընթացքին շեշտեց, որ նախագահին ներկայացուցած է կառավարութեան կազմ մը, որուն մէջ Աուն բարեփոխում պահանջած է: «Գիտեմ, թէ ի՛նչն է, որ պէտք է վերատեսութեան ենթարկել, եւ զայն կատարելու համար բոլորին հետ պէտք է խորհրդակցիմ», ըսաւ Հարիրի:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top