Հայաստանէն Մշակոյթի Եւ Արուեստի Մասնագէտներ Անթիլիասի Մայրավանք Այցելեցին

0000BIKFAYA

0000BIKFAYA

ԱՆԹԻԼԻԱՍ.- Անցնող օրերուն ընթացքին, Արամ Ա. կաթողիկոս Հայաստանէն ժամանած հետեւեալ արուեստի ու մշակոյթի մասնագէտները ընդունեց.

– Շուրջ երեք օրերու այցելութեամբ Մայրավանքի հիւրերը դարձան դոկտ. Աշոտ Գրիգորեան, փրոֆ. Արամ Իսաբեկեան եւ փրոֆ. Կետիկ Պաղտասարեան: Անոնք եկած էին վեհափառ հայրապետին հրաւէրին ընդառաջելով, որպէսզի ուսումնասիրեն Ս. Աստուածածին վանքին մէջ հայոց պատմութեան կարեւոր շրջանները շրջափակին մէջ զետեղելիք դէպքերն ու դէմքերը խորհրդանշող քանդակներուն համար։

– Այցելուներու երկրորդ խումբը կը բաղկանար երկու անձերէ՝ Սեդա Գալստեան եւ Գաբրիէլ Փանոսեան, որոնք պատրաստած են «Հայոց Պետականութեան Վերածնունդի 100 Էջերը» յատուկ ալպոմը՝ բաղկածաց արխիւային նիւթերէ ու նկարներէ:

Վերոյիշեալ այցելուներու ընդունելութեան ընթացքին, կաթողիկոսը կարեւորութեամբ շեշտեց Հայաստանի թէ Սփիւռքի մէջ մեր հոգեմտաւոր արժէքներուն յատուկ կարեւորութիւն տալու հրամայականը, զանոնք նկատելով կենսական մեր ժողովուրդի ինքնութեան ու առաւել հզօրացման համար: Նոյն ժամանակ, հայրապետը յիշեցուց, թէ Մեծի Տանն Կիլիկիոյ կաթողիկոսութիւնը միշտ կը մնայ պաշտպան ու զօրակից հայ մշակոյթի ու արուեստի տարածման եւ նեցուկ՝ այդ առաքելութեան լծուած բոլոր մշակներուն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top